“സഹൽ അബ്ദുൾ സമദ് ഇന്ത്യൻ ഫുട്ബാളിന്റെ ഭാവി”

ഇന്ത്യൻ ഫുട്ബാളിന്റെ ഭാവി കേരള ബ്ലാസ്റ്റേഴ്‌സിന്റെ സൂപ്പർ താരം സഹൽ അബ്ദുൾ സമദാനെന്നു ഇന്ത്യൻ ലെജൻഡ് സുനിൽ ഛേത്രി. അടുത്ത 15 വർഷത്തിൽ ആരാകും ഇന്ത്യയുടെ ഭാവി നിയന്ത്രിക്കുന്ന സ്ട്രൈക്കർ എന്ന മാധ്യമങ്ങളുടെ ചോദ്യത്തിനാണ് ഛേത്രി സഹലിന്റെ പേര് പറഞ്ഞത്. സ്‌ട്രൈക്കർ ആരാണെന്നു എനിക്കറിയില്ല പക്ഷെ ഇന്ത്യയുടെ ഭാവി വാഗ്ദാനം സഹലാണെന്നായിരുന്നു ഛേത്രിയുടെ മറുപടി.

സഹലിന്റെ മേൽ സമ്മർദ്ദം കൂട്ടാൻ ആഗ്രഹിക്കുന്നില്ല എങ്കിലും സഹലിനെ എല്ലാവരും നോക്കണം എന്നും അടുത്ത 10-15 വർഷത്തിൽ ഇന്ത്യയുടെ മികച്ച താരമായി സഹൽ മാറുമെന്നും ഛേത്രി പറഞ്ഞു. സഹൽ മികച്ച രീതിയിൽ മുന്നോട്ടു പോവുകയാണെങ്കിൽ ഫുട്ബോൾ ഇന്ത്യയുടെ ഭാവി അദ്ദേഹത്തിന്റെ കയ്യിൽ സുരക്ഷിതമായിരിക്കുമെന്നും ഇന്ത്യൻ ഇതിഹാസ താരം കൂട്ടിച്ചേർത്തു. കിംഗ്‌സ് കപ്പിനായുള്ള ഒരുക്കത്തിലാണ് ഇന്ത്യൻ താരങ്ങളായ സഹലും ഛേത്രിയും.