കേരള ബ്ലാസ്റ്റേഴ്സ് ആരാധകർക്ക് ആവേശമായി കേരള ബ്ലാസ്റ്റേഴ്സിന്റെ മലയാളി താരം പ്രശാന്ത് പരിക്ക് മാറി തിരിച്ചെത്തുന്നു. തായ്ലൻഡിൽ നടന്ന പ്രീ സീസൺ മത്സരങ്ങൾക്കിടയിലാണ് താരത്തിന് പരിക്കേറ്റത്. തുടർന്ന് ഐ.എസ്.എല്ലിന്റെ തുടക്കത്തിലെ രണ്ട് മത്സരങ്ങളും നഷ്ടമായിരുന്നു. ഈ സീസണിൽ കേരള ബ്ലാസ്റ്റേഴ്സിന്റെ താരമാവുമെന്നാണ് കരുതപ്പെടുന്ന താരമാണ് പ്രശാന്ത്.
കൊച്ചിയിൽ ലാ ലീഗ പ്രീ സീസൺ മത്സരങ്ങളിൽ മികച്ച പ്രകടനം കാഴ്ചവെച്ച പ്രശാന്തിന്റെ തിരിച്ച് വരവ് ആരാധകർ ആവേശത്തോടെയാണ് കാണുന്നത്. കഴിഞ്ഞ വർഷം കേരള ബ്ലാസ്റ്റേഴ്സിൽ അവസരങ്ങൾ കുറവായിരുന്ന പ്രശാന്തിന് ഈ സീസണിൽ ശോഭിക്കാനാവുമെന്നാണ് ആരാധകരുടെ പ്രതീക്ഷ.
ശനിയാഴ്ച ഡൽഹിക്കെതിരെ നടക്കുന്ന മത്സരത്തിൽ താരം പകരക്കാരുടെ ബെഞ്ചിൽ സ്ഥാനം പിടിക്കുമെന്നാണ് കരുതപ്പെടുന്നത്.
-Advertisement-