ലാ ലീഗ വേൾഡ് പ്രീ സീസൺ ടൂർണമെന്റിൽ കേരള ബ്ലാസ്റ്റേഴ്സിന് ദയനീയ തോൽവി. ഓസ്‌ട്രേലിയൻ എ ലീഗ് ടീമായ മെൽബൺ സിറ്റി എഫ് സിയാണ് കേരള ബ്ലാസ്‌റ്റേഴ്‌സിനെ ഏകപക്ഷീയമായ 6 ഗോളുകൾക്ക് തോൽപ്പിച്ചത്. മത്സരത്തിന്റെ തുടക്കം മുതൽ മത്സരത്തിൽ വ്യക്തമായ ആധിപത്യം പുലർത്തിയാണ് മെൽബൺ സിറ്റി വിജയിച്ചത്.
മത്സരത്തിന്റെ തുടക്കം മുതൽ കേരള ബ്ലാസ്റ്റേഴ്‌സ് ഗോൾ മുഖം നിരന്തരം ആക്രമിച്ച മെൽബൺ സിറ്റിയെ ആദ്യ അരമണിക്കൂർ ഗോൾ നേടുന്നതിൽ തടഞ്ഞത് മാത്രമാണ് കേരള ബ്ലാസ്റ്റേഴ്സിന് മത്സരത്തിൽ അഭിമാനിക്കാനുള്ളത്. കേരള ബ്ലാസ്റ്റേഴ്‌സ് നിരയിൽ പ്രശാന്തിന്റെ മികച്ച മുന്നേറ്റം ഒഴിച്ച് നിർത്തിയാൽ ടീം എന്ന നിലയിൽ ഒത്തിണക്കം കാട്ടുന്നതിൽ കേരള ബ്ലാസ്റ്റേഴ്‌സ് പരാജയപെടുകയായിരുന്നു.
മെൽബൺ സിറ്റിക്ക് വേണ്ടി ഡാരിയോ വിഡോസിച്ച്, റിലേ മഗ്രി, ബ്രൂണോ ഫോർണറോളി, ലച്ലൻ വെയിൽസ്‌, റാമി എന്നിവരാണ് ഗോളുകൾ നേടിയത്. ജൂലൈ 27ന് ജിറോണ എഫ് സിയുമായാണ് കൊച്ചിയിൽ മെൽബൺ എഫ് സിയുടെ അടുത്ത മത്സരം. ജൂലൈ 28നാണ് ജിറോണ എഫ് സി – കേരള ബ്ലാസ്റ്റേഴ്‌സ് പോരാട്ടം.