കേരള ബ്ലാസ്റ്റേഴ്‌സിൽ എത്തിപ്പെട്ടാൽ യുവതാരങ്ങളുടെ ഭാവി തുലയുമെന്ന രൂക്ഷ വിമർശമാണ് മലയാളി യുവതാരങ്ങൾ ബ്ലാസ്റ്റേഴ്‌സിൽ എത്തിയാൽ മലയാളി ഫുട്ബോൾ ആരാധകർ ഉയർത്തുന്നത്. എന്നാൽ ഇത്തരം ഗൂഢലക്ഷ്യം വെച്ചുള്ള ആരോപണങ്ങളെ തൃണവത്കരിച്ച് ഉയർന്നു വന്ന യുവതാരങ്ങളാണ് സഹലടക്കമുള്ള മഞ്ഞപ്പടയുടെ താരങ്ങൾ.
ഒടുവിൽ ഇതാ ബ്ലാസ്റ്റേഴ്‌സിന്റെ യുവതാരത്തിനു ഇന്ത്യൻ ക്യാമ്പിലേക്കും വസരം ലഭിച്ചിരിക്കുന്നു. AFC അണ്ടർ 19 ഫുട്ബോൾ ടൂർണമെന്റിനായുള്ള ഇന്ത്യൻ ക്യാമ്പിലേക്ക് തിരൂർ സ്വദേശിയായ അബ്ദുൽ ബാദിഷ് തിരഞ്ഞെടുക്കപ്പെട്ടു. സ്പോർട്സ് അക്കാദമി – തിരൂരിന്റെ പ്രൊഡക്ടായ (സാറ്റ്) അബ്ദുൽ ബാദിഷ് ഭുവനേശ്വറിൽ നടക്കുന്ന ക്യാമ്പിൽ പങ്കെടുക്കും.
കഴിഞ്ഞ സീസണിലും ഈ സീസണിലും കേരളാ ബ്ലാസ്റ്റേഴ്സിന് വേണ്ടി അണ്ടർ 16, അണ്ടർ 18 ഐ ലീഗിലും അബ്ദുൽ ബാദിഷ് ബൂട്ട് കെട്ടിയിരുന്നു. അണ്ടർ 18 ഐ ലീഗിലെ മിന്നും പ്രകടനമാണ് അബ്ദുൽ ബാദിഷൈൻ ഇന്ത്യൻ ക്യാമ്പിൽ എത്തിച്ചത്.