വീണ്ടുമൊരു ട്രാൻസ്ഫർ സെൻസേഷനുണ്ടാക്കാൻ ശ്രമിച്ച് കേരള ബ്ലാസ്റ്റേഴ്‌സ്. ഇത്തവണ ഇന്ത്യൻ സൂപ്പർ ലീഗിലെ ബ്രസീലിയൻ സൂപ്പർ സ്റ്റാറിനെയാണ് മഞ്ഞപ്പട നോട്ടമിട്ടിരിക്കുന്നത്. പൂനെ സിറ്റിയുടെ വെടിക്കെട്ട് താരം മാഴ്‌സെലിനോയെയാണ് ബ്ലാസ്റ്റേഴ്‌സ് നോട്ടമിട്ടിരിക്കുന്നത്.
ഈ സീസണിൽ തകർപ്പൻ പ്രകടനം കാഴ്ചവെച്ച പൂനെയുടെ കുതിപ്പിന് ചുക്കാൻ പിടിച്ചത് ഈ ബ്രസീലിയൻ താരമാണ്. ഇന്ത്യൻ സൂപ്പർ ലീഗിൽ ഗോൾഡൻ ബൂട്ട് നേടിയിട്ടുള്ള മാഴ്‌സെലിനോ ബ്ലാസ്റ്റേഴ്‌സിൽ വരുന്നതോടു കൂടി ബ്ലാസ്റ്റേഴ്‌സിന്റെ ഗോൾ വരൾച്ച വസാനിക്കുമെന്നാണ് കരുതപ്പെടുന്നത്. ബ്ലാസ്റ്റേഴ്‌സിന് വേണ്ടി കളിയ്ക്കാൻ മുൻപ് തന്നെ മാഴ്‌സെലിനോ ആഗ്രഹം പ്രകടിപ്പിച്ചിരുന്നു.
അത്ലറ്റിക്കോ മാഡ്രിഡിലൂടെ കാളി ആരംഭിച്ച മാഴ്‌സെലിനോ ഡൽഹി ഡൈനാമോസിലൂടെയാണ് ഇന്ത്യൻ സൂപ്പർ ലീഗിൽ എത്തുന്നത്. ഈ സീസണിൽ ഇന്ത്യൻ സൂപ്പർ ലീഗ് ചരിത്രത്തിലെ ഏറ്റവും മോശം പ്രകടനമാണ് ബ്ലാസ്റ്റേഴ്‌സ് കാഴ്ച വെച്ചത്. എപ്പോളും ചങ്ക് പറിച്ച് തന്നു കൂടെനിന്നിരുന്ന ആരാധകരെയും ബ്ലാസ്റ്റേഴ്‌സിന് ഈ സീസണിൽ നഷ്ടമായി. എഴുപത്തിനായിരത്തോളം ആളുകൾ തിങ്ങി നിറഞ്ഞിരുന്ന കൊച്ചിയിൽ നാണക്കേടിന്റെ സംഖ്യ നാലായിരം ആരാധകരായി ചുരുങ്ങിയിരുന്നു.