കേരള ബ്ലാസ്റ്റേഴ്‌സ് വിട്ട് സൂപ്പർ താരം. മഞ്ഞപ്പടയുടെ സ്വന്തം ലെൻ ദുംഗൽ എഫ് സി ഗോവയിലേക്ക് പറന്നു. ബ്ലാസ്റ്റേഴ്‌സുമായുള്ള കരാർ അവസാനിച്ചതിനെ തുടർന്നാണ് ലെൻ ദുംഗൽ ഗോവയിലേക്ക് ചേക്കേറിയത്. ഒരു സീസണിന് മുൻപാണ് കേരള ബ്ലാസ്റ്റേഴ്‌സിലേക്ക് ഈ സൂപ്പർ താരം വന്നത്. ഫ്രീ ട്രാൻസ്ഫറിലാണ് ലെൻ ഗോവയുടെ വെടിക്കെട്ട് ടീമിൽ എത്തുന്നത്.
ഐ എസ് എല്ലിൽ നോർത്ത് ഈസ്റ്റ് യുണൈറ്റഡ്, ഡെൽഹി ഡൈനാമോസ് എന്നി ടീമുകൾക്ക് വേണ്ടിയും അദ്ദേഹം ബൂട്ടുകെട്ടിയിട്ടുണ്ട്. ഐ ലീഗിൽ ബെംഗളൂരു എഫ്‌സിക്കയും അദ്ദേഹം കളിച്ചു. ആരോസിലൂടെ വളർന്ന താരമാണ് ലെൻ. മഞ്ഞപ്പടയ്ക്ക് വേണ്ടി കഴിഞ്ഞ സീസൺ ഐ എസ് എലിൽ 18 മത്സരങ്ങൾ കളിച്ച ലെൻ 4 അസിസ്റ്റും രണ്ട് ഗോളുകളും നേടിയിട്ടുണ്ട്.
-Advertisement-