കേരള ബ്ലാസ്റ്റേഴ്സിൽ ഇനി ആരാണ് ക്യാപ്റ്റൻ- ബ്ലാസ്റ്റേഴ്സ് ആരാധകരെ കുഴയ്ക്കുന്ന ചോദ്യമിതാണ്. കഴിഞ്ഞ സീസണിൽ ഷറ്റോരിക്ക് കീഴിൽ ക്യാപ്റ്റൻ ബർതലമോവ് ഒഗ്ബചെയായിരുന്നു. ടീമിൽ ഏറ്റവും സീനിയർ താരം അദ്ദേഹമായിരുന്നു. പോരാത്തതിന് ഷറ്റൊരിയുടെ വിശ്വസ്തൻ. കഴിഞ്ഞ സീസണി്ൻ മുൻപ് ബ്ലാസ്റ്റേഴ്സിന്റെ നായകൻ സന്ദേശ് ജിങ്കൻ ആയിരുന്നു.
പ്രതിരോധ നായകൻ ആ സ്ഥാനമേറ്റെടുത്തപ്പോൾ ആരാധകരും ആവേശത്തിലായിരുന്നു. എന്നാൽ ഇപ്പോൾ ആരാധകരെ കുഴയ്ക്കുന്ന ചോദ്യത്തിന് ഉത്തരവുമായി വന്നിരിക്കുകയാണ് പുതിയ കോച്ച് കിബു വികൂന.
അടുത്ത സീസണിൽ കേരള ബ്ലാസ്റ്റേഴ്സിനെ ആരു നയിക്കും എന്ന് തീരുമാനിച്ചിട്ടില്ല എന്ന് കേരള ബ്ലാസ്റ്റേഴ്സ് പുതിയ പരിശീലകൻ കിബു വികൂന പറഞ്ഞു. പുതിയ സീസണിൽ ഒഗ്ബെചെ ക്യാപ്റ്റനായി തുടരുമോ എന്നത് തീരുമാനിച്ചിട്ടില്ല എന്ന് വികൂന കൂട്ടിച്ചേർത്തു. ആരെ ക്യാപ്റ്റൻ ആക്കണം എന്നത് ടീം പൂർണ്ണമായും സജ്ജമായ ശേഷമായിരിക്കും തീരുമാനിക്കുക. ഇരു താരങ്ങളോടും സംസാരിച്ചതിനു ശേഷമാകും ക്യാപ്റ്റനെ പ്രഖ്യാപിക്കുക എന്ന്നും മഞ്ഞപ്പടയുടെ പുതിയ പരിശീലകൻ പറഞ്ഞു.