കുഞ്ചാക്കോ ബോബന്റെ പേരിൽ പ്രചരിച്ച വൈറൽ കമന്റ് വ്യാജം. കേരള ബ്ലാസ്റ്റേഴ്സിനെതിരെ കമന്റ് ചെയ്ത ബെംഗളൂരു എഫ്സി ആരാധകന് കൊടുത്ത മറുപടി എന്ന നിലക്കായിരുന്നു സമൂഹമാധ്യമങ്ങളിൽ എഫ്ബി കമന്റിന്റെ സ്ക്രീൻ ഷോട്ട് വൈറലായത്. എന്നാൽ ഇത് വ്യാജമാണെന്ന് പറഞ്ഞീരിക്കുകയാണ് ചാക്കോച്ചൻ.
ഇന്ത്യൻ സൂപ്പർ ലീഗ് കേരള ബ്ലാസ്റ്റേഴ്സ് ട്രാൻസ്ഫറിനെക്കുറിച്ച് പോസ്റ്റിട്ടതിന് കീഴെ മഞ്ഞപ്പടയെ അപമാനിച്ച ആരാധകനെതിരെ കുഞ്ചാക്കോ ബോബൻ പ്രതികരിച്ചു എന്ന നിലയ്ക്കാണ് സമൂഹമാധ്യമങ്ങളിൽ പ്രചരിച്ചത്. എന്നാൽ അത് വ്യാജമാണെന്ന് പറഞ്ഞിരിക്കുകയാണ് ഒരു ഇൻസ്റ്റഗ്രാം സ്റ്റോറിയിലൂടെ കുഞ്ചാക്കോ ബോബൻ. എല്ലാവരും സ്പോർട്ട്സ്മാൻ സ്പിരിറ്റ് കാത്ത് സൂക്ഷിക്കണമെന്നും ഫുട്ബോൾ ആണ് വലുത് ഹൂളിഗനിസമല്ലെന്നും അദ്ദേഹം കുറിച്ചു.
-Advertisement-