പൂനെ സിറ്റി എഫ്സിയുടെ സൂപ്പർ താരം മലയാളികളുടെ ഹ്യുമേട്ടൻ ഇയാൻ ഹ്യൂം ക്ലബ്ബ് വിടുന്നതായി സൂചന. ഇന്ത്യൻ സൂപ്പർ ലീഗിൽ ഏറ്റവുമധികം ആരാധകരുള്ള ഇയാൻ ഹ്യുമിനെ വീണ്ടും സ്വന്തമാക്കാനുള്ള ഒരു അവസരമാണ് ഇപ്പോൾ ബ്ലാസ്റ്റേഴ്‌സിന് കൈവന്നിരിക്കുന്നത്.
പൂനെ സിറ്റിയിൽ രണ്ടു വർഷത്തെ കരാറിൽ എത്തിയ ഹ്യൂം പരിക്ക് വില്ലനായതിനെ തുടർന്നാണ് ക്ലബ്ബ് വിടാൻ ആലോചിക്കുന്നത്. പരിക്ക് കാരണം കഴിഞ്ഞ ഐ എസ് എൽ സീസൺ അവസാനം മുതൽ പുറത്തായ ഇയാൻ ഹ്യൂം പൂനെ സിറ്റിക്ക് ഒപ്പം നേരത്തെ ചേർന്നിരുന്നു പരിക്ക് തിരിച്ചടിച്ചിരുന്നു. ഈ സീസണിൽ കനേഡിയൻ താരം നിറം മങ്ങി.
ഐ എസ് എല്ലിലെ എക്കാലത്തെയും ടോപ്പ് സ്കോറര്മാരില് ഒരാളാണ് ഇയാൻ ഹ്യൂം. കഴിഞ്ഞ വർഷം കേരള ബ്ലാസ്റ്റേഴ്സിലേക്ക് തിരിച്ചെത്തിയ ഹ്യൂമിന് പരിക്ക് കാരണം സീസണിൽ നിരവധി മത്സരങ്ങൾ പുറത്തിരിക്കേണ്ടി വന്നിരുന്നു. രണ്ട് സീസണുകളിലായി കേരള ബ്ലാസ്റ്റേഴ്സിനായി 10 ഗോളുകൾ ഇയാൻ ഹ്യൂം നേടിയിട്ടുണ്ട്.