ഇന്ത്യൻ സൂപ്പർ ലീഗിൽ കേരള ബ്ലാസ്റ്റേഴ്‌സിന് വീണ്ടും തോൽവി. ഇത്തവണ എതിരില്ലാത്ത മൂന്നു ഗോളിനാണ് കേരള ബ്ലാസ്‌റ്റേഴ്‌സിനെ എഫ്‌സി ഗോവ പരാജയപ്പെടുത്തിയത്. കോറോ,എഡു ബേഡിയ, ഹ്യൂഗോ ബോമസ് എന്നിവരാനാണ് ബ്ലാസ്റ്റേഴ്‌സിന്റെ നെഞ്ചത്ത് പൊങ്കാലയിട്ടത്.
ഇന്നത്തെ വമ്പൻ ജയത്തോടെ ജയത്തോടെ ഗോവ ബെംഗളുരുവിനെ മറികടന്ന് ഐ.എസ്.എല്ലിൽ ഒന്നാം സ്ഥാനത്ത് എത്തി. കളിക്കളത്തിൽ മണ്ടത്തരങ്ങൾ കാട്ടിയാണ് ഇത്തവണ ബ്ലാസ്റ്റേഴ്സ് ശ്രദ്ധനേടിയത്. എതിരാളികളുടെ കാലിലേക്ക് പാസുകള്‍ നല്കിയും ഗോളടിക്കാന്‍ അവസരം നല്കിയും ബ്ലാസ്റ്റേഴ്സ് മത്സരത്തിൽ വേറിട്ട് നിന്നു.
അനസ് എടത്തൊടികയുടെ ബാക്ക് പാസ് കോർണർ ആവാതിരിക്കാൻ കിണഞ്ഞ് ശ്രമിച്ച ധീരജ് സിങ് അവസാനം ഗോവയെ കൊണ്ട് ഗോളടിപ്പിച്ചു. സികെ വിനീത് വിവാദം താരങ്ങളിലേക്കും എത്തി എന്ന് തോന്നിപ്പിക്കത്തക്കമാണ് അനസ് എടത്തൊടികയുടെ ഇന്നത്തെ പ്രകടനം. കളിക്കളത്തിൽ ബ്ലാസ്റ്റേഴ്സ് പലപ്പോളും കളി മറന്നു.