ഇന്ത്യൻ സൂപ്പർ ലീഗിൽ കേരള ബ്ലാസ്റ്റേഴ്‌സിന് സമനില. ബെംഗളൂരുവും ബ്ലാസ്റ്റേഴ്‌സും രണ്ടു ഗോൾ വീതമടിച്ച് പോയന്റ് പങ്കിട്ട് പിരിഞ്ഞു. ഉദാന്ത സിംഗ്, ക്യാപ്റ്റൻ സുനിൽ ഛേത്രി എന്നിവർ ബെംഗളൂരുവിനു വേണ്ടി ഗോളടിച്ചു. സ്ലാവിസ്യ സ്റ്റിയാനോവിച്ചും കറേജ് പെകൂസണും മഞ്ഞപ്പടയ്ക്ക് വേണ്ടി ഇന്ന് ഗോളടിച്ചു. തുടർച്ചയായ 13ആം മത്സരത്തിലും വിജയമില്ലാതെ മടങ്ങാനായിരുന്നു ബ്ലാസ്റ്റേഴ്‌സിന്റെ വിധി.
ബ്ലാസ്റ്റേഴ്‌സിന് ലഭിച്ച പെനാൽറ്റി ലക്ഷ്യത്തിൽ എത്തിച്ച് സ്റ്റിയാനോവിച്ച് ആദ്യം ലീഡ് നൽകി. പിന്നീടാണ് കറേജ് പെകൂസണ്ണിന്റെ വണ്ടർ ഗോൾ പിറന്നത്. രണ്ടാം പകുതിയിലാണ് ബെംഗളൂരു രണ്ടു ഗോളും മടക്കിയത്. പടിക്കൽ ചെന്ന് കാലമുടയ്ക്കൽ ബ്ലാസ്റ്റേഴ്‌സിന് ശീലമായി. ബെംഗളൂരുവിൽ വെസ്റ്റ് ബ്ലോക്ക് ബ്ലൂസിനെ കണ്ടം വഴി ഓടിക്കാൻ ലഭിച്ച സുവർണാവസരമാണ് ഇന്ന് ബ്ലാസ്റ്റേഴ്‌സ് നഷ്ടമാക്കിയത്.
-Advertisement-