കേരള ബ്ലാസ്റ്റേഴ്സിന്റെ സെന്റർ ബാക്ക് ആയ ജൈറോ ദീർഘകാലം പുറത്തായിരിക്കുമെന്നുറപ്പായി. കേരള ബ്ലാസ്റ്റേഴ്സിന് വീണ്ടും വലിയ തിരിച്ചടി. ജൈറോ ഇനി ഈ സീസണിൽ കളിക്കില്ലെന്ന് ക്ലബ്ബ് സ്ഥിതീകരിച്ചു. താൻ രണ്ടാഴ്ച്ചകൾക്കുള്ളിൽ തിരിച്ചു വരുമെന്ന് ജൈറോയുടെ അവകാശവാദമാണ് ഇപ്പോൾ ബ്ലാസ്റ്റേഴ്സ് പൊളിച്ചിരിക്കുന്നത്. താരവും ക്ലബ്ബും തമ്മിൽ കശപിശയുണ്ടെന്ന് ബ്ലാസ്റ്റേഴ്സ് ന്യൂസ് ഇന്നലെ തന്നെ റിപ്പോർട്ട് ചെയ്തിരുന്നു.
ഒഡീഷയ്ക്ക് എതിരായ മത്സരത്തിൽ ആയിരുന്നു ജൈറോയ്ക്ക് പരിക്കേറ്റത്. സീസൺ ആരംഭം മുതൽ പരിക്ക് വകവെക്കാതെയായിരുന്നു ജൈറോ കളിച്ചിരുന്നത്. വിദഗ്ധ ചികിത്സ ആവശ്യമുള്ളത് കൊണ്ടും സർജറിയുള്ളത് കൊണ്ടുമാണ് ജൈറോ ക്ലബ്ബ് വിടുക. ജൈറോയ്ക്ക് പകരം ഒരു പുതിയ ഡിഫൻഡറെ എത്തിക്കും എന്ന് കേരള ബ്ലാസ്റ്റേഴ്സ് അറിയിച്ചിരുന്നു. ഇതിനായി ഐ എസ് എൽ അധികൃതർക്ക് അപേക്ഷ നൽകിയിട്ടുണ്ട്.
കേരള ബ്ലാസ്റ്റേഴ്സിന്റെ പ്രധാന സെന്റർ ബാക്കുകളായ ജിങ്കൻ, സുയിവർലൂൺ എന്നിവരും നേരത്തെ പരിക്കേറ്റ് പുറത്തായിരുന്നു. ഇതോടെ സെന്റർ ബാക്കിൽ വിശ്വസ്ഥരായ ആരും ഇല്ലാത്ത അവസ്ഥയിലായി കേരള ബ്ലാസ്റ്റേഴ്സ്.