കേരള ബ്ലാസ്റ്റേഴ്‌സിലേക്ക് ചുവട് മാറ്റാനൊരുങ്ങി ഗോകുലം എഫ്സിയുടെ പരിശീലകൻ ബിനോ ജോർജ്ജ്. ബ്ലാസ്റ്റേഴ്‌സ് ന്യൂസിന് ലഭിക്കുന്ന വിവരമനുസരിച്ച് അസിസ്റ്റന്റ് മാനേജരായി കേരള ബ്ലാസ്റ്റേഴ്‌സിൽ ബിനോ ജോർജ്ജ് എത്തും. വിദേശ മാനേജർ ബ്ലാസ്റ്റേഴ്‌സിൽ എത്തുന്നതിനു മുന്നേ തന്നെ ബ്ലാസ്റ്റേഴ്‌സിൽ ബിനോയെ എത്തിക്കാനാണ് ശ്രമം.
അസിസ്റ്റന്റ് മാനേജർ എന്നതിന് പുറമെ ബ്ലാസ്റ്റേഴ്‌സിലേക്ക് കളിക്കാരെ സ്‌കൗട്ട് ചെയ്യുന്നതിനുള്ള ചുമതലയും ബിനോ ജോർജ്ജിന് തന്നെയായിരിക്കും. കേരള ബ്ലാസ്റ്റേഴ്‌സ് മുൻ പരിശീലകൻ ഡേവിഡ് ജെയിംസിനെ പുറത്താക്കിയപ്പോൾ ഉയർന്നു കേട്ടിരുന്ന പേര് ഗോകുലത്തിന്റെ ബിനോ ജോര്ജിന്റെയായിരുന്നു. ഒ
രു ചെറിയ ടീമിനെ വെച്ച് ഐ ലീഗിൽ മികച്ച പ്രകടനം കാഴ്ചവെച്ച ബിനോ ജോർജ് ഇന്ത്യൻ ഫുട്ബാളിൽ അറിയപ്പെടുന്ന പരിശീലകരിൽ ഒരാളാണ്. കൂടുതൽ മലയാളി താരങ്ങൾക്ക് അവസരം നൽകുകയും മികച്ച ഫുട്ബോളും ബിനോ ജോർജിൽ നിന്ന് കേരള ബ്ലാസ്റ്റേഴ്‌സ് ആരാധകർക്ക് പ്രതീക്ഷിക്കുകയും ചെയ്യാം. കഴിഞ്ഞ സീസണിൽ ഐ ലീഗിലെ വമ്പന്മാരെ തകർത്തെറിഞ്ഞ ഗോകുലം ഈ സീസണിലും ബിനോ ജോർജിന് കീഴിൽ മികച്ച പ്രകടനം കാഴ്ചവെച്ചിരുന്നു.
കഴിഞ്ഞ തവണത്തെ ചാമ്പ്യന്മാരായ മിനർവയെയും കോഴിക്കോട് വെച്ച് ഗോകുലം തോൽപ്പിച്ചിരുന്നു. കഴിഞ്ഞ സീസണിൽ ഇന്ത്യൻ ഫുട്ബോൾ ആരാധകരെ ഞെട്ടിച്ച് ഐലീഗിൽ ഏഴാം സ്ഥാനം സ്വന്തമാക്കാൻ ഗോകുലത്തിനായിരുന്നു. ഈ സീസണിൽ ഒൻപതാം സ്ഥാനത് ആയെങ്കിലും ഇന്ത്യൻ ഫുട്ബോളിലെ വമ്പന്മാരായ മിനേർവ പഞ്ചാബ്, ഈസ്റ്റ് ബംഗാൾ, മോഹൻ ബഗാൻ എന്നിവരെ പരാജയപ്പെടുത്താൻ ബിനോയുടെ കീഴിൽ ഗോകുലം കേരള എഫ്‌സിക്ക് സാധിച്ചിരുന്നു.
കേരള ബ്ലാസ്റ്റേഴ്‌സ് ആരാധകർ കണ്ടു മടുത്ത ബോറിങ് ഡിഫെൻസിവ് ഫുട്ബാളിൽ നിന്ന് ഒരു മോചനവും ബിനോയുടെ വരവ് കേരള ബ്ലാസ്റ്റേഴ്സിന് നൽകുമെന്നു പ്രതീക്ഷിക്കാം.