സി.കെ വിനീത് – മഞ്ഞപ്പട വിവാദത്തിൽ മഞ്ഞപ്പടയെയും വ്യാജ വാർത്ത പ്രചരിപ്പിച്ച മഞ്ഞപ്പട എക്സിക്യൂട്ടീവ് മെമ്പറെയും വലിച്ച്കീറി സി.കെ.വിനീതിന്റെ ഇൻസ്റ്റാഗ്രാം സ്റ്റോറി. മഞ്ഞപ്പടയുടെ ഒഫീഷ്യൽ ഹാന്റിലിൽ നിന്നും വന്ന ഔദ്യോഗിക പ്രതികരണത്തിനു ശേഷം ഒരൊന്നൊര പ്രതികരണവുമായി സികെ വിനീത് രംഗത്തെത്തി.
മെഗാ സ്റ്റാർ മമ്മൂട്ടി വെള്ളിത്തിരയിൽ അനശ്വരമാക്കിയ സൂപ്പർഹിറ്റ് ചിത്രം നരസിംഹത്തിലെ അഡ്വക്കേറ്റ് മാരാറുടെ ഡയലോഗ് സ്റ്റാറ്റ്സ് ആക്കിയാണ് സികെ പ്രതികരിച്ചത്. കടുത്ത മമ്മൂക്ക ഫാനായ സികെയുടെ മരണമാസ് പ്രതികരണമായി അത് . “ഗ്രഹണം ബാധിച്ചാലും അതിനൊരു സമയമുണ്ട്, സൂര്യൻ കറുത്ത മറനീക്കി പുറത്ത് വരും, അതു പോലെയാണ് സത്യവും മറച്ച് വെക്കാം വളച്ചൊടിക്കാം ഒരു നാൾ സത്യം പുറത്ത് വരും ” ഇങ്ങനെ പോകുന്നു ആ മാസ് ഡയലോഗ്.
ചെന്നയിനിനെതിരെയുള്ള മത്സരത്തിൽ ബോൾ ബോയിയോട് മോശം പെരുമാറ്റം സി.കെ വിനീത് നടത്തിയെന്ന പേരിൽ മഞ്ഞപ്പടയുടെ കൊച്ചി എക്സിക്യൂട്ടീവ് ഗ്രൂപ്പിൽ വന്ന മെസ്സേജ് കഴിഞ്ഞ ദിവസങ്ങളിൽ സോഷ്യൽ മീഡിയയിൽ വൈറൽ ആയിരുന്നു. ഇതേ തുടർന്നാണ് തനിക്കെതിരെയുള്ള ആരോപണങ്ങൾ വ്യജമാണെന്ന് കാണിച്ച് വിനീത് പോലിസിനെ സമീപിച്ചത്. ഇന്ന് മഞ്ഞപ്പട ഈ വിഷയത്തിൽ പ്രസ്താവന ഇറക്കിയതോടെയാണ് സംഭവം സത്യമല്ലെന്ന് തെളിഞ്ഞത്. ഇതിനെ തുടർന്നാണ് സത്യം പുറത്തു വന്ന എന്ന രീതിയിൽ സി.കെ വിനീത് ഇൻസ്റ്റാഗ്രാമിൽ സ്റ്റോറി ഇട്ടത്.