വിജയത്തുടക്കം രാശിയായി . മഞ്ഞപ്പടയ്ക്ക് പുതിയ സ്പോൺസർമാരെ ലഭിച്ചു. ഹാവൽസ് ഗ്രൂപ്പിന്റെ കീഴിലുള്ള സ്റ്റാൻഡേർഡ് എന്ന കമ്പനിയാണ് കേരള ബ്ലാസ്റ്റേഴ്സിന്റെ സ്പോൺസർ ആയിരിക്കുന്നത്. ഇതാദ്യമായാണ് ഒരു ഐഎസ്എല്‍ ടീമുമായി സ്റ്റാന്‍ഡേഡ് ബ്രാന്‍ഡ് സഹകരിക്കുന്നത്.
കരാർ അനുസരിച്ച് കേരള ബ്ലാസ്റ്റേഴ്സിന്റെ ജേഴ്സിയിൽ സ്റ്റാൻഡേർഡ് കമ്പനിയുടെ ലോഗോയുമുണ്ടാവും.
ആദ്യ മത്സരത്തിൽ എ.ടി.കെ ക്കെതിരെ ഇറങ്ങിയ കേരള ബ്ലാസ്റ്റേഴ്സിന്റെ ജേഴ്സിയിൽ സ്റ്റാൻഡേർഡ് കമ്പനിയുടെ ലോഗോ ഉണ്ടായിരുന്നു. ഇന്ത്യയിലെ ശക്തമായ സാന്നിധ്യങ്ങളിലൊന്നായ സ്റ്റാന്‍ഡേഡിന്‌ കേരളത്തിലും മറ്റ് സംസ്ഥാനങ്ങളിലുമായി വിപുലമായ ബ്രാഞ്ചുകളും ഓഫീസുകളുമുണ്ട്. \ഈ സീസണിൽ മൊബൈൽ വിൽപന രംഗത്തെ പ്രമുഖരായ മൈ ജി കേരള ബ്ലാസ്റ്റേഴ്സിന്റെ സ്പോൺസർ ആയിരുന്നു. ഇവർക്ക് പുറമെ മുത്തൂറ്റ് ഗ്രൂപ്പ് ആണ് കേരള ബ്ലാസ്റ്റേഴ്സിന്റെ മറ്റൊരു സ്പോൺസർ.