കേരള ബ്ലാസ്റ്റേഴ്സിന്റെ സൂപ്പർ സ്‌ട്രൈക്കർ സികെ വിനീത് ചെന്നെയിൻ എഫ്‌സിയിലേക്ക് കുടിയേറുന്നു. പുറത്ത് വരുന്ന വിവരങ്ങൾ അനുസരിച്ച് സൂപ്പർ താരം കൊച്ചിയിൽ നിന്നും ചെന്നൈയിലേക്ക് എത്തും. ജനുവരി ട്രാൻസ്ഫർ വിൻഡോയിൽ കേരള ബ്ലാസ്റ്റേഴ്സിന്റെ പ്രമുഖ താരങ്ങൾ ക്ലബ് വിടുമെന്ന റിപ്പോർട്ടുകൾ പുറത്ത് വന്നതിനു പിന്നാലെയാണ് സികെയുടെ ചെന്നൈ നീക്കത്തെ കുറിച്ച് റിപ്പോർട്ടുകൾ വന്നത്.
ബ്ലാസ്റ്റേഴ്‌സിലെ മലയാളികളുടെ പ്രതീകമാണ് ആരാധകരുടെ വിനീതേട്ടൻ എന്ന സികെ വിനീത്. സീസണിൽ മികച്ച ഫോം കണ്ടെത്താൻ കഴിയാതിരുന്ന വിനീത് പലപ്പോഴും പകരക്കാരുടെ ബെഞ്ചിലായിരുന്നു സ്ഥാനം. അഞ്ചാം സീസണില്‍ രണ്ടു ഗോൾ മാത്രമാണ് താരം നേടിയത്. അതിനു പിന്നാലെ ആരാധകരുമായിട്ടുള്ള കലഹം സികെ വിനീതിനെ ക്ലബ് വിടാൻ സമ്മർദത്തിൽ ആക്കിയെന്നു കരുതണം. ബെംഗളൂരുവിൽ നിന്നുമാണ് സികെ മഞ്ഞപ്പടയിലേക്കെത്തിയത്.
-Advertisement-