കേരള ബ്ലാസ്റ്റേഴ്സിന്റെ സൂപ്പർ സ്‌ട്രൈക്കർ സികെ വിനീത് ചെന്നെയിൻ എഫ്‌സിയിലേക്ക് കുടിയേറുന്നു. പുറത്ത് വരുന്ന വിവരങ്ങൾ അനുസരിച്ച് സൂപ്പർ താരം കൊച്ചിയിൽ നിന്നും ചെന്നൈയിലേക്ക് എത്തും. ജനുവരി ട്രാൻസ്ഫർ വിൻഡോയിൽ കേരള ബ്ലാസ്റ്റേഴ്സിന്റെ പ്രമുഖ താരങ്ങൾ ക്ലബ് വിടുമെന്ന റിപ്പോർട്ടുകൾ പുറത്ത് വന്നതിനു പിന്നാലെയാണ് സികെയുടെ ചെന്നൈയിലേക്കുള്ള ചുവട് മാറ്റം.
ബ്ലാസ്റ്റേഴ്‌സിലെ മലയാളികളുടെ പ്രതീകമാണ് ആരാധകരുടെ വിനീതേട്ടൻ എന്ന സികെ വിനീത്. സീസണിൽ മികച്ച ഫോം കണ്ടെത്താൻ കഴിയാതിരുന്ന വിനീത് പലപ്പോഴും പകരക്കാരുടെ ബെഞ്ചിലായിരുന്നു സ്ഥാനം. അഞ്ചാം സീസണില്‍ രണ്ടു ഗോൾ മാത്രമാണ് താരം നേടിയത്. കേരളാ‌ബ്ലാസ്റ്റേഴ്സിന്റെ എക്കാലത്തെയും ടോപ് സ്കോററായ വിനീത്, ഈ സീസണിൽ പ്രതീക്ഷിച്ച ഫോമിലേക്കുയർന്നിരുന്നില്ല. ഉയർന്ന് കേൾക്കുന്നത്‌. സികെ വിനീതിനെ 2017 ലാണ് ബ്ലാസ്റ്റേഴ്സ് സ്വന്തമാക്കുന്നത്. ഐ എസ് എല്ലിൽ ഏറ്റവുംകൂടുതൽ പ്രതിഫലം പറ്റുന്ന ഇന്ത്യക്കാരിൽ മുൻ പന്തിയിലുള്ള താരവുമാണ് വിനീത്.