കേരളത്തിലെ സൂപ്പർമാന്മാർക്ക് ആദരം ഒരുക്കുന്ന കേരള ബ്ലാസ്റ്റേഴ്‌സ് മാനേജ്‌മെന്റിനെ അഭിനന്ദിച്ച് സൂപ്പർ താരം സികെ വിനീത്. കേരള ജനതയെ പ്രളയത്തിൽ നിന്ന് കരകയറ്റാൻ അഹോരാത്രം പരിശ്രമിച്ച നമ്മുടെ മത്സ്യ തൊഴിലാളികളെ ആദരിക്കാൻ തീരുമാനിച്ചിരിക്കുകയാണ് നമ്മുടെ സ്വന്തം കേരള ബ്ലാസ്റ്റേഴ്‌സ്. ഈ തകർപ്പൻ തീരുമാനത്തെയാണ് സികെ അഭിനന്ദിച്ച് രംഗത്തെത്തിയത്.
ഇന്ന് കൊച്ചിയിൽ നടക്കുന്ന കേരള ബ്ലാസ്റ്റേഴ്സിന്റെ ആദ്യ ഹോം മത്സരത്തിൽ കേരള ബ്ലാസ്റ്റേഴ്സിന്റെ ജേഴ്സിയിൽ മത്സ്യ തൊഴിലാളികളുടെ ചിത്രങ്ങൾ ഉൾപ്പെട്ട ജേഴ്സി അണിഞ്ഞാവും കേരള ബ്ലാസ്റ്റേഴ്‌സ് ഇറങ്ങുക. മത്സ്യ തൊഴിലാളികളെ കൂടാതെ പ്രളയ ദുരന്തത്തിൽ രക്ഷക്കെത്തിയ എല്ലാവരുടെയും ചിത്രങ്ങളും ഡിസൈനിൽ ഉണ്ട്. മുൻപ് കേരള ബ്ലാസ്റ്റേഴ്‌സ് മത്സ്യ തൊഴിലാളികളെ ആദരിച്ചിരുന്നു.
-Advertisement-