ഇന്ത്യൻ സൂപ്പർ ലീഗിൽ ഏറ്റവുമധികം മത്സരം കളിച്ച താരമെന്ന റെക്കോർഡ് സ്വന്തമാക്കിയ മഞ്ഞപ്പടയുടെ നായകൻ സന്ദേശ് ജിങ്കനെ അഭിനന്ദിച്ച് ഹ്യുമേട്ടൻ . ബ്ലാസ്റ്റേഴ്‌സിന്റെ മുൻ താരം കൂടിയായ ഹ്യുമേട്ടന്റെ റെക്കോർഡ് തകർത്താണ് ജിങ്കൻ ഈ നേട്ടം സ്വന്തമാക്കിയത്. എന്നാൽ ബ്ലാസ്റ്റേഴ്‌സ് ക്യാപ്റ്റൻ പ്രതീക്ഷിച്ച മത്സര ഫലമല്ല ഉണ്ടായത്. മുംബൈ സിറ്റി ബ്ലാസ്‌റ്റേഴ്‌സിനെ സമനിലയിൽ തളച്ചു.
ഇന്നത്തേത് ജിങ്കന്റെ ഐഎസ്എല്ലിലെ അറുപതാം മത്സരമായിരുന്നു. ആദ്യമായി അറുപത് മത്സരങ്ങൾ കളിക്കുന്ന ഇന്ത്യൻ താരമെന്ന പദവിയും ജിങ്കന് സ്വന്തം. കഴിഞ്ഞ മത്സരത്തിൽ ബൂട്ടണിഞ്ഞപ്പോൾ ഹ്യുമേട്ടന്റെ ഏറ്റവും കൂടുതൽ മത്സരങ്ങൾ എന്ന റെക്കോർഡിനൊപ്പം ജിങ്കൻ എത്തിയിരുന്നു. ഹ്യൂമിനും ജിങ്കനും ഇപ്പൊൾ 59 മത്സരങ്ങളാണ് ഇന്ത്യൻ സൂപ്പർ ലീഗിൽ കളിച്ചിട്ടുള്ളത്. പരിക്കേറ്റ ഹ്യുമേട്ടൻ ജനുവരിയിൽ മാത്രമേ തിരിതെത്തുകയുള്ളു.