ആരാധകർക്ക് ആവേശമായി കേരള ബ്ലാസ്റ്റേഴ്സിന്റെ ടിക്കറ്റുകൾ എത്തി. 199 രൂപ മുതൽ 1250 വരെയുള്ള ടിക്കറ്റുകളുടെ വിൽപ്പനയാണ് ഇപ്പോൾ ആരംഭിച്ചിരിക്കുന്നത്. മഞ്ഞപ്പടയുടെ സ്വന്തം സൗത്ത് ഗാലറിയിലും നോർത്ത് ഗാലറിയിലുമാണ് 199 രൂപയുടെ ടിക്കറ്റുകൾ. ബ്ലോക്ക് ബിയിലും ബ്ലോക്ക് ഡിയിലും 349 രൂപയുടെ ടിക്കറ്റാണ് ആരാധകർക്ക് ലഭ്യമാകുക.
വി.ഐ.പി ടിക്കറ്റുകൾക്ക് 1250 രൂപയാണ് വിലയിട്ടിരിക്കുന്നത്. വെസ്റ്റ് ഗാലറിയിലും ഈസ്റ്റ് ഗാലറിയിലും 249 രൂപയാണ് ടിക്കറ്റ് തുക. ഇതിനെല്ലാം പുറമെ 449 രൂപയുടെ ടിക്കറ്റുകളും ലഭ്യമാണ്. മഞ്ഞപ്പടയുടെ ആറ് മത്സരങ്ങൾക്കുള്ള ടിക്കറ്റ് ആണ് ഇപ്പോൾ വില്പ്പനയ്ക്ക് വെച്ചിരിക്കുന്നത്.
ഒക്ടോബർ അഞ്ചിന് നടക്കുന്ന മുംബൈ സിറ്റിക്കെതിരായ മത്സരമാണ് ബ്ലാസ്റ്റേഴ്സിന്റെ ആദ്യ ഹോം മത്സരം.ടിക്കറ്റുകൾ പേ ടിയെം വഴിയും, insider.in വെബ്സൈറ്റ് വഴിയും വാങ്ങാം.
-Advertisement-