കേരള ബ്ലാസ്‌റ്റേഴ്‌സിനെ പോലെ തന്നെ ലോക പ്രശസ്തമാണ് ബ്ലാസ്റ്റേഴ്‌സ് ആരാധക കൂട്ടായ്മയായ മഞ്ഞപ്പട. ഇന്ന് ഇന്ത്യ -ചൈന സൗഹൃദ മത്സരത്തിനിടയിലും തരംഗമായി മാറിയിരിക്കുകയാണ് മഞ്ഞപ്പടയുടെ ആരാധകർ. 21 വർഷങ്ങൾക്ക് ശേഷം ഇന്ത്യ – ചൈന പോരാട്ടം നടക്കുമ്പോൾ ഗാലറിയിൽ ഇന്ത്യക്ക് ആവേശം പകരം മഞ്ഞപ്പടയുടെ ആരാധകർ എത്തി.
കേരള ബ്ലാസ്റ്റേഴ്‌സിന്റെ ആരാധകർ ഇതിനു മുൻപും ഇന്ത്യൻ ടീമിന്റെ മത്സരങ്ങൾക്ക് ആവേശം പകരാനായി കൂട്ടമായി എത്തിയിട്ടുണ്ട്. ത്രിരാഷ്ട്ര ടൂർണമെന്റിൽ മഞ്ഞപ്പടയുടെ കരുത്ത് ഇന്ത്യൻ ആരാധകർ അറിയുകയും ചെയ്തു. ബ്ലാസ്റ്റേഴ്‌സ് താരം അനസ് എടത്തൊടികയുടെ ആരാധകരും ഗാലറിയിൽ എത്തി. വൻമതിലിന്റെ നാട്ടിൽ ഞങ്ങളുടെ വന്മതിൽ എന്ന പ്ലക്കാർഡ് സോഷ്യൽ മീഡിയയിൽ തരംഗമായിരുന്നു.
-Advertisement-