ഹീറോ സൂപ്പർ കപ്പ് എഫ്‌സി ഗോവയ്ക്ക് സ്വന്തം. ചെന്നൈയിൻ എഫ്‌സിയെ തകർത്തെറിഞ്ഞാണ് എഫ്‌സി ഗോവ കിരീടമുയർത്തിയത്. ഒന്നിനെതിരെ രണ്ടു ഗോളുകൾക്കായിരുന്നു സൂപ്പർ ഗോവയുടെ സൂപ്പർ ജയം.
ഗോവയ്ക്ക് വേണ്ടി കോറോ, ബ്രാണ്ടൺ ഫെർണാണ്ടസ് എന്നിവർ ഗോളടിച്ചപ്പോൾ റഫേൽ അഗസ്റ്റോ ചെന്നൈയിനായി ആശ്വാസ ഗോൾ അടിച്ചു. എഫ്‌സി ഗോവയുടെ ആദ്യ കിരീടം ആയിരുന്നു ഇന്നത്തേത്. 2015 ഐ എസ് എൽ ഫൈനലിൽ ചെന്നൈയിനോട് പരാജയപ്പെട്ടതിന്റെ പകരം വീട്ടാനും ഇന്നത്തെ ജയം കൊണ്ട് എഫ്‌സി ഗോവയ്ക്കായി.
സെമിയിൽ ഐ ലീഗ് ചാമ്പ്യന്മാരായ ചെന്നൈ സിറ്റിയെ തോൽപ്പിച്ചായിരുന്നു ഗോവ ഫൈനലിൽ കടന്നത്. ഐ ലീഗ് ക്ലബ്ബുകളുടെ പിന്മാറ്റം സൂപ്പർ കപ്പിന്റെ മാറ്റ് കുറച്ചെങ്കിലും ഗോവയുടെ അനിവാര്യ ജയം കാര്യങ്ങൾ മാറ്റി മറിച്ചു. കഴിഞ്ഞ വർഷത്തെ ചാമ്പ്യന്മാരായ ബെംഗളൂരു പുറത്തായപ്പോൾ കിരീട പോരാട്ടത്തിൽ കരുതരാകാൻ ഗോവയ്ക്ക് കഴിഞ്ഞിരുന്നു.