ഹ്യുമേട്ടന്റെ ആരാധകർക്ക് സന്തോഷ വാർത്ത. ഈ സീസണിൽ പൂനെ സിറ്റിക്കായി കളിക്കുന്ന ഹ്യുമേട്ടൻ ഡിസംബര്‍ ആദ്യ വാരത്തോടെ പരിക്കില്‍ നിന്നു മോചിതനാകുമെന്ന് കോച്ച്‌ മിഗ്വെല്‍ പോര്‍ച്ചുഗല്‍ പറഞ്ഞന്നു. എന്നാല്‍ പൂനെ വിദേശതാരങ്ങളുടെ പട്ടികയില്‍ ഹ്യൂമിന്റെ പേര് നല്കിയിട്ടില്ലാത്തതിനാല്‍ ജനുവരിയില്‍ മാത്രമേ ഹ്യുമേട്ടനു പൂനയ്ക്ക് വേണ്ടി ബൂട്ടണിയാൻ സാധിക്കു.
അപ്രതീക്ഷിതമായാണ് കേരള ബ്ലാസ്റ്റേഴ്സിന്റെ മുൻ താരവും ആരാധകരുടെ കണ്ണിലുണ്ണിയുമായ കനേഡിയന്‍ സൂപ്പര്‍ താരം ഇയാന്‍ ഹ്യൂം എന്ന മഞ്ഞപ്പടയുടെ ഹ്യുമേട്ടൻ ഇനി പൂനെ സിറ്റിക്ക് വേണ്ടി കളിയ്ക്കാൻ തീരുമാനിച്ചത്.
കഴിഞ്ഞ സീസണിന്റെ അവസാനത്തിൽ പരിക്കേറ്റ ഇയാൻ ഹ്യൂമിന് കേരള ബ്ലാസ്റ്റേഴ്സിന്റെ മുഴുവൻ മത്സരങ്ങളും കളിയ്ക്കാൻ കഴിഞ്ഞിരുന്നില്ല. ഈ കഴിഞ്ഞ സീസണിൽ കേരള ബ്ലാസ്റ്റേഴ്സിന് വേണ്ടി കളിച്ച ഹ്യൂമേട്ടൻ 13 മത്സരങ്ങളിൽ നിന്ന് 5 ഗോളും നേടിയിരുന്നു. ഇതിൽ ഡൽഹി ഡൈനാമോസിനെതിരെയുള്ള ഒരു ഹാട്രിക്കും ഉൾപ്പെടും. ഇന്ത്യൻ സൂപ്പർ ലീഗിന്റെ ആദ്യ സീസണിൽ കേരള ബ്ലാസ്റ്റേഴ്സിന്റെ കൂടെ ഉണ്ടായിരുന്ന ഇയാൻ ഹ്യൂം അന്ന് ബ്ലാസ്‌റ്റേഴ്‌സിനെ ഫൈനലിൽ എത്തിക്കുന്നതിൽ നിർണായക പങ്കു വഹിച്ചിരുന്നു.