ജംഷദ്പൂരിന് വീണ്ടും ജയം. വീണ്ടും തോൽവിയേറ്റുവാങ്ങാൻ മുംബൈ സിറ്റിക്ക് വിധി. ഇന്ന് മുംബൈയുടെ ഹോം ഗ്രൗണ്ടിൽ നടന്ന മത്സരത്തിൽ മുംബൈ സിറ്റിയെ ജംഷദ്പൂർ പരാജയപ്പെടുത്തി. മുംബൈ ഫുട്‌ബോള്‍ അരീനയില്‍ ലീഗിലെ തുല്യശക്തികളുടെ പോരാട്ടമാണ് കണ്ടത്. രണ്ടുടീമുകളും ഒരൊറ്റ സ്‌ട്രൈക്കറെ മാത്രം മുന്‍നിര്‍ത്തിയാണ് കളിക്കാന്‍ ഇറങ്ങിയത്.
ഏകപക്ഷീയമായ രണ്ടു ഗോളുകൾക്കായിരുന്നു ജംഷദ്പൂരിന്റെ വിജയം. കഴിഞ്ഞ സീസണിൽ രണ്ടു തവണ ഏറ്റുമുട്ടിയപ്പോഴും ജംഷദ്പൂരിനോട് മുട്ടിനിൽക്കാൻ മുംബൈക്ക് ആയിരുന്നില്ല.
ഇരുപത്തിയെട്ടാം മിനിറ്റില്‍ കാര്‍ലോസ് കാല്‍വോയുടെ പാസില്‍ നിന്ന് സ്പാനിഷ് താരം മരിയോ ആര്‍ക്വസാണ് വലകുലുക്കിയത്. ഇഞ്ചുറി ടൈമിന്റെ അവസാന നിമിഷമായിരുന്നു രണ്ടാംഗോള്‍. മത്സരത്തിലെ ഇഞ്ച്വറി ടൈമിന്റെ അവസാന നിമിഷം പാബ്ലൊ നേടിയ ജംഷദ്പൂരിന്റെ രണ്ടാം ഗോൾ അവർക്ക് മൂന്ന് പോയന്റ് ഉറപ്പിച്ച് കൊടുത്തു.