കൊൽക്കത്തയിൽ തകർപ്പൻ ജയവുമായി എടികെ. ഏകപക്ഷീയമായ ഒരു ഗോളിനാണ് എടികെയുടെ ജയം. ആദ്യ ജയമെന്ന സ്വപ്നം ബാക്കി വെച്ചാണ് പൂനെ കൊൽക്കത്തയിൽ നിന്നും മടങ്ങുന്നത്.
കളി അവസാനിക്കാൻ എട്ടു മിനുട്ട് മാത്രം ബാക്കി ഉള്ളപ്പോഴാണ് എടികെയുടെ വിജയ ഗോൾ പിറന്നത്. സബ്ബായി എത്തിയ ജയേഷ് റാണെയുടെ ക്രോസിൽ നിന്ന് ബ്രസീലിയൻ ഡിഫൻഡർ ഗേഴ്സൺ വിയേരിയ അടിച്ച തകർപ്പൻ ഗോളാണ് എടികെയെ ഹോം മാച്ചിൽ രക്ഷപ്പെടുത്തിയത്.
എടികെയുടെ സീസണിലെ മൂന്നാം ജയമാണിത്. ഇന്ത്യൻ സൂപ്പർ ലീഗിൽ 10 പോയന്റുമായി എ ടി കെ ആറാം സ്ഥാനത്ത് എത്തിക്കഴിഞ്ഞു. എന്നാൽ പൂനെ സിറ്റി ലീഗിൽ അവസാന സ്ഥാനത്ത് തന്നെയാണിപ്പോളും.
-Advertisement-