അടിയും ഇടിയും ചുവപ്പ് കാർഡും കണ്ട മത്സരത്തിൽ സമനിലയോടെ ഇന്ത്യൻ സൂപ്പർ ലീഗിൽ നോർത്ത് ഈസ്റ്റ് യുണൈറ്റഡ് ഒന്നാമതെത്തി. ജംഷദ്പൂരിനെതിരെയുള്ള നോർത്ത് ഈസ്റ്റിന്റെ ഹോം മാച്ച് സമനിലയിൽ. ഇരു ടീമുകളും ഓരോ ഗോളുകളടിച്ചാണ് മത്സരം അവസാനിച്ചത്. ആദ്യ പകുതിയിൽ ചുവപ്പ് കാർഡ് വാങ്ങിയ നോർത്ത് ഈസ്റ്റ് പൊരുതി കളിച്ചാണ് സമനില പിടിച്ചത്.
കഴിഞ്ഞ കളിയിലെ ഹാട്രിക്ക് ഹീറോ ഒഗ്ബചെയുടെ ഗോളില്‍ മുന്നിലെത്തിയ നോര്‍ത്ത് ഈസ്റ്റിനെ, നാല്‍പ്പത്തിയൊന്‍പതാം മിനുറ്റിലെ ഫറൂഖ് ചൗധരിയുടെ ഗോളില്‍ ജംഷദ്പൂര്‍ സമനില പിടിക്കുകയായിരുന്നു. നാല് മത്സരങ്ങളില്‍ 8 പോയന്റ് നേടിയ നോര്‍ത്ത് ഈസ്റ്റ് യുണൈറ്റഡ് ഇന്ത്യൻ സൂപ്പർ ലീഗ് പോയിന്റ് നിലയിൽ ഒന്നാം സ്ഥാനത്തെത്തി.
പലപ്പോളും വിജയം ജംഷദ്പൂർ കൊണ്ടു പോകുമെന്ന് തോന്നിച്ചുവെങ്കിലും നോർത്ത് ഈസ്റ്റ് പത്തുപേരുമായി കളിച്ച് ചെയ്ത് സമനില നിലനിർത്തി. ഓസ്ട്രേലിയ സൂപ്പർ താരം ടിം കാഹിലിനെ രണ്ടാം പകുതിയിൽ ഇറക്കിയെങ്കിലും റ്റാറ്റയുടെ ജംഷദ്പൂരിന് ഗുണം ചെയ്തില്ല.