ഇന്ത്യൻ സൂപ്പർ ലീഗിൽ തോറ്റ് മടുത്ത കേരള ബ്ലാസ്റ്റേഴ്സ് പരിശീലകനെ മാറ്റാൻ ഒരുങ്ങുന്നു. നോർത്ത് ഈസ്റ്റിൽ നിന്നും കേരള ബ്ലാസ്റ്റേഴ്സിലേക്ക് എത്തിയ ഡച്ച് പരിശീലകൻ എൽകോ ഷറ്റോരിയാണ് ഇപ്പോൾ ബ്ലാസ്റ്റേഴ്സിൽ നിന്നും പുറത്തേക്ക് പോകുന്നത്. ഈ സീസണിൽ 15 കളികളിൽ നിന്നും വെറും 14 പോയന്റ് മാത്രമാണ് കേരള ബ്ലാസ്റ്റേഴ്സ് നേടിയിട്ടുള്ളത്. ഈ സീസണിൽ ജയത്തോടെ തുടങ്ങിയ കേരള ബ്ലാസ്റ്റേഴ്സ് പിന്നീട് സമനിലകുരുക്കിലായിരുന്നു.
എടികെയെ ഹോം,എവേ മത്സരങ്ങളിൽ തോൽപ്പിച്ച മഞ്ഞപ്പട ഹൈദരാബാദിനെയും തകർത്തെറിഞ്ഞു. എന്നാൽ കൊച്ചിയിൽ ചെന്നൈയിൻ എഫ്സിയോട് വമ്പൻ തോൽവി ഏറ്റുവാങ്ങിയ ബ്ലാസ്റ്റേഴ്സ് മലയാളക്കരയെ ഞെട്ടിച്ചു. 6-3 ന്റെ തോൽവി ആണ് കേരള ബ്ലാസ്റ്റേഴ്സ് ഏറ്റുവാങ്ങിയത്. ക്യാപ്റ്റൻ ഒഗ്ബചെയുടെ ഹാട്രിക്ക് പ്രകടനം മാാത്രമാണ് എടുത്ത് പറയാനായുള്ളത്. ഇനി നോർത്ത് ഈസ്റ്റിനെതിരെ ഉള്ള മത്സരം വരെ കാത്തിരിക്കേണ്ടന്നാണ് ബ്ലാസ്റ്റേഴ്സ് മാനേജ്മെന്റ് തീരുമാനിച്ചതെന്നാണ് റിപ്പോർട്ട്യ്കൾ.
നടക്കാതെ പോയ പ്രീസീസണേയും പരിക്കേറ്റ താരങ്ങളുടെ നീണ്ട ലിസ്റ്റും കാട്ടിയാണ് ഇതുവരെ ഷറ്റോരി കേരള ബ്ലാസ്റ്റേഴ്സ് ആരാധകരേയും മാനേജ്മെന്റിനേയും കണ്ണുകെട്ടിയത്. കൊച്ചിയിൽ കാലുകുത്താൻ പോലും പറ്റാതിരുന്ന ചെന്നൈയിനോട് തോറ്റതോടെ എല്ലാ പ്രതീക്ഷകളും പോയീ.