സന്തോഷ് ട്രോഫിയിൽ ഫൈവ് സ്റ്റാർ കേരള!. വമ്പൻ ജയത്തോടെ കേരള ടീം തുടങ്ങി. മുന്നിൽ നിന്ന് നയിച്ച ക്യാപ്റ്റന്റെ പോരാട്ട വീര്യം കേരളത്തിന് മുതൽക്കൂട്ടായി. ക്യാപ്റ്റൻ ജിജോയുടെ ഹാട്രിക്കോടെ കേരള ടീം എതിരില്ലാത്ത അഞ്ച് ഗോളിന്റെ ജയമാണ് നേടിയത്. നിജോ ഗിൽബേർട്ട്, അജയ് അലക്സ് എന്നിവരാണ് കേരള ടീമിനായി മറ്റ് ഗോളുകൾ നേടിയത്.
നിറഞ്ഞ് കവിഞ്ഞ പയ്യനാട് സ്റ്റേഡിയം കേരള ഫുട്ബോളിന്റെ സൗന്ദര്യം വിളിച്ചോതിയ മത്സരം കൂടിയായിരുന്നു ഇന്നത്തേത്. ഇനി ഏപ്രിൽ 18ന് വെസ്റ്റ് ബംഗാളിന് എതിരെയാണ് കേരളത്തിന്റെ പോരാട്ടം. പതിവ് പോലെ മികച്ച ജയവുമായി ബിനോ ജോർജ്ജിന്റെ കേരള ടീം ക്യാമ്പയിൻ തുടങ്ങിയത് സന്തോഷ് ട്രോഫി പ്രതീക്ഷകൾ വാനോളമുയർത്തിയിട്ടുണ്ട്‌.
-Advertisement-