ബ്ലാസ്റ്റെഴ്സ് ആരാധകർക്ക് സന്തോഷ വാർത്ത. കേരള ബ്ലാസ്റ്റേഴ്‌സിന്റെ മെസ്യൂട്ട് ഓസിൽ സഹൽ അബ്ദുൽ സമദ് മഞ്ഞപ്പടയിൽ തുടരും.സഹൽ അബ്ദുൽ സമദ് കേരള ബ്ലാസ്റ്റേഴ്സുമായി പുതിയ കരാർ ഒപ്പുവെച്ചു. മൂന്ന് വർഷത്തേക്കാണ് പുതിയ കരാർ. സഹൽ 2022 വരെ ക്ലബിൽ തുടരും.
കഴിഞ്ഞ സീസണിൽ കേരള ബ്ലാസ്റ്റേഴ്സിനു വേണ്ടി ഏറ്റവും മികവ് പുലർത്തിയ താരമായ സഹൽ അബ്ദുൽ സമദ്. ചരിത്രത്തിലെ ഏറ്റവും മോശം സീസണിലും മഞ്ഞപ്പടയ്ക്ക് ആശ്വാസമായത് ഈ സൂപ്പർ താരത്തിന്റെ വെടിക്കെട്ട് പ്രകടമാണ്. ഐ എസ് എല്ലിലെ ഏറ്റവും മികച്ച മിഡ്ഫീൽഡറായി തിരഞ്ഞെടുക്കപ്പെട്ട താരമായിരുന്നു സഹൽ അബ്ദുൽ സമദ്.
ഈ പ്രകടനം സഹലിനെ ഇന്ത്യൻ അണ്ടർ 23 ടീമിൽ വരെ എത്തിച്ചുരുന്നു. കേരള ബ്ലാസ്റ്റേഴ്സിനായി ഇതുവരെ 19 മത്സരങ്ങൾ കളിച്ച ഈ മലയാളി താരം ഒരു ഗോളും നേടിയിട്ടുണ്ട്‌. സന്തോഷ് ട്രോഫിയിൽ കേരളത്തിനായി നടത്തിയ തകർപ്പൻ പ്രകടമാണ് സഹലിനെ മഞ്ഞപ്പടയിൽ എത്തിച്ചത്. ബ്ലാസ്റ്റേഴ്‌സിന്റെ കടുത്ത ആരാധകൻ കൂടിയാണ് സഹൽ.