കേരള ബ്ലാസ്റ്റേഴ്സിന്റെ മെസ്യൂട്ട് ഓസിൽ എന്നറിയപ്പെടുന്ന സഹൽ അബ്ദുൾ സമദിനെ ഇന്ത്യയിലെ മികച്ച യുവതാരമായി തിരഞ്ഞെടുത്തു. ആൾ ഇന്ത്യ ഫുട്ബോൾ ഫെഡറേഷൻ ഈ വർഷത്തെ ഫുട്ബോൾ അവാർഡിലെ എമേർജിംഗ് ഫുട്ബോളർ ഓഫ് ദ് ഇയർ പുരസ്കാരമാണ് ബ്ലാസ്റ്റേഴ്സിന്റെ മുത്തിനെ തേടിയെത്തിയത്. മഞ്ഞപ്പടയ്ക്ക് വേണ്ടി വെടിക്കെട്ട് പ്രകടനമാണ് കേരള ബ്ലാസ്റ്റേഴ്സ് കഴിഞ്ഞ് സീസണിൽ കാഴ്ച്ചവെച്ചത്‌.
ആരാധകരെ മോശം സീസണിലും ക്ലബ്ബിനോടൊപ്പം നിർത്തിയതിൽ സഹലിന്റെ പങ്ക് വലുതാണ്. ഇന്ത്യയുടെ അണ്ടർ 23 ടീമിനായും ഇന്ത്യൻ സീനിയർ ടീമിനായും ഈ സീസണിൽ തനെ സഹൽ കളിച്ചിട്ടുണ്ട്. ഇന്ത്യയുടെ ഭാവി ആകുമെന്ന് പ്രവചിക്കപ്പെടുന്ന സഹലിന് നേരത്തെ ഐ എസ് എല്ലിലെ മികച്ച മധ്യനിര താരത്തിനുള്ള പുരസ്കാരവും ലഭിച്ചിരുന്നു. ഇന്ത്യൻ സൂപ്പർ ലീഗിന്റെയും കേരള ബ്ലാസ്റ്റേഴ്സിന്റെയും ഒപ്പം മലയാളി ഫുട്ബോൾ ആരാധകരുടേയും യശസ്സുയർത്തിയിരിക്കുകയാണ് ബ്ലാസ്റ്റേഴ്സിന്റെ സ്വന്തം സഹൽ അബ്ദുൽ സമദ്.