ആരാധകരെ ഞെട്ടിച്ച് കൊണ്ട് സൂപ്പർ താരങ്ങളെ ടീമിലെത്തിക്കുന്ന ബ്ലാസ്റ്റേഴ്സ് പതിവ് തുടരുന്നു. കേരള ബ്ലാസ്റ്റേഴ്സ് ഒരു വെടിക്കെട്ട് താരത്തെ ടീമിലെത്തിച്ചു. കൊൽക്കത്തൻ ഫുട്ബോൾ പ്രേമികളുടെ ഹരമായ ഡാരൻ കാൽദൈരയെയാണ് മഞ്ഞപ്പട സ്വന്തമാക്കിയത്. കഴിഞ്ഞ സീസണിൽ ഐ ലീഗീലെ കൊൽക്കത്തൻ വമ്പന്മാരായ മോഹൻ ബഗാന്റെ താരമായിരുന്നു ഡാരൻ.
ബ്ലാസ്റ്റേഴ്സിന്റെ മധ്യനിരയ്ക്ക് കരുത്തേകാനാണ് ഡാരനെ മഞ്ഞപ്പട കൊച്ചിയിലെത്തിച്ചത്. ഇന്ത്യൻ സൂപ്പർ ലീഗിൽ പുതുമുഖമല്ല ഡാരൻ. എടികെക്ക് വേണ്ടിയാണ് അവസാനമായി ഐ എസ് എല്ലിൽ അദ്ദേഹം കളിച്ചത്. മുമ്പ് ബെംഗളൂരു എഫ് സിക്ക് വേണ്ടിയും ഐ എസ് എല്ലിൽ ഡാരൻ കളിച്ചിരുന്നു. ചെന്നൈ സിറ്റി, മുംബൈ എഫ് സി, എയർ ഇന്ത്യ, മഹീന്ദ്ര യുണൈറ്റഡ് എന്നീ ക്ലബ്ബുകൾക്ക് വേണ്ടിയും ഡാർബ് ബൂട്ട് കെട്ടിയിട്ടുണ്ട്.
-Advertisement-