കേരള ബ്ലാസ്റ്റേഴ്സ് ആദ്യ പ്രീ സീസൺ മത്സരത്തിന് ഇന്ന് ഇറങ്ങുന്നു. എതിരാളികൾ ബിനോ ജോർജ്ജിന്റെ കീഴിൽ ആദ്യമായി ഇറങ്ങുന്ന കേരള യുണൈറ്റഡാണ്. വൈകിട്ട് 4 മണിക്ക് എറണാകുളം പനമ്പിള്ളി നഗര്‍ ഗ്രൗണ്ടില്‍ നടക്കുന്ന മത്സരത്തില്‍ കെബിഎഫ്‌സി, കേരള യുണൈറ്റഡ് എഫ്‌സിയെ നേരിടും. ഇന്ത്യന്‍ സൂപ്പര്‍ ലീഗ് (ഐഎസ്എല്‍) 2021-22ന് സീസണിന് മുന്നോടിയായി മുഖ്യപരിശീലകന്‍ ഇവാന്‍ വുകോമനോവിച്ചിന്റെയും സംഘത്തിന്റെയും കീഴിലാണ് ടീം പരിശീലിക്കുന്നത്. ഇന്ത്യൻ താരങ്ങളെ ഉൾപ്പെടുത്തിയാണ് ടീം നിലവിൽ പരിശീലനം നടത്തുന്നത്‌. വിദേശ താരങ്ങളായ അഡ്രിയാൻ ലൂണ, എനെസ് സിപോവിച്ച് എന്നിവരും ബ്ലാസ്റ്റേഴ്സ് ക്യാമ്പിൽ എത്തിച്ചേർന്നിട്ടുണ്ട്.
കേരള യുണൈറ്റഡ് എഫ്‌സിക്കെതിരെയുള്ള കെബിഎഫ്‌സി യുടെ അടുത്ത മത്സരം 2021 ഓഗസ്റ്റ് 27 ന് നടക്കും. 2021 സെപ്റ്റംബർ 3 ന് ജമ്മു&കാശ്മീർ ബാങ്ക് എഫ് സി (ജെ &കെ ബാങ്ക് XI) ക്കെതിരെയാണ് കെബിഎഫ്‌സിയുടെ അവസാന മത്സരം . ക്ലബിന്റെ ആവേശഭരിതരായ ആരാധകര്‍ക്ക് കേരള ബ്ലാസ്റ്റേഴ്സ് എഫ്‌സിയുടെ ഔദ്യോഗിക യൂട്യൂബ് ചാനല്‍ വഴി പ്രീസീസണ്‍ മത്സരം കാണാനാവും.