കേരള ബ്ലാസ്റ്റേഴ്സ് വീണ്ടുമൊരു വിദേശ സൈനിംഗുമായി ആരാധകരെ ഞെട്ടിച്ചിരിക്കുകയാണ്. പ്രീമിയർ ലീഗിലും ലാ ലീഗയിലും കളിച്ച സ്പാനിഷ് സ്ട്രൈക്കർ ആൽവാരോ വാസ്കസ് ആണ് കേരള ബ്ലാസ്റ്റേഴ്സ് സ്വന്തമാക്കിയത്. ഒരു വർഷത്തെ കരാറിലാണ് താരം കൊച്ചിയിലെത്തുന്നത്. കേരള ബ്ലാസ്റ്റേഴ്സിന്റെ ഈ സീസണിലെ നാലാമത്തെ വിദേശ സൈനിംഗാണിത്
ഇതിന് മുൻപ് ലൂണ, ജോർഗെ പെരേര ഡിയസ്, സിപോവിച് എന്നിവരെ കേരള ബ്ലാസ്റ്റേഴ്സ് സൈൻ ചെയ്തിരുന്നു. മൂന്ന് സീസണുകളോളം ഗെറ്റാഫക്ക് ഒപ്പം ലാലിഗയിൽ കളിച്ചിട്ടുള്ള താരമാണ് ആൽവാരോ വാസ്കസ്. സ്വാൻസെ സിറ്റിക്ക് ഒപ്പം ഇംഗ്ലീഷ് പ്രീമിയർ ലീഗിലും കളിച്ചിട്ടുണ്ട്. എസ്പാൻയോൾ, സരഗോസ, ജിമ്നാസ്റ്റിക് എന്നീ ക്ലബുകൾക്കായും കളിച്ചു. ഇപ്പോൾ സ്പോർടിങ് ഗിജോണിൽ നിന്നാണ് താരം കേരള ബ്ലാസ്റ്റേഴ്സിലേക്ക് എത്തുന്നത്.
-Advertisement-