പാരീസിൽ പിഎസ്ജിക്ക് വമ്പൻ തോൽവി. മെസ്സിയും നെയ്മറും എംബപ്പെയും ഡി മരിയയും ഇക്കാർഡിയും കളിച്ചിട്ടും ഒരു ഗോൾ പോലും അടിക്കാനാവാതെ പിഎസ്ജി തകർന്നു തരിപ്പണമായി. റെനെസാണ് പിഎസ്ജിയെ രണ്ട് ഗോളിന് തോൽപ്പിച്ചത്. ചാമ്പ്യൻസ് ലീഗിൽ പിഎസ്ജിക്കായി ഗോളടിച്ച മെസ്സിക്കും ഇന്ന് ലീഗ് വണ്ണിൽ പിഎസ്ജിയെ സഹായിക്കാനായില്ല. ലബോർഡെയും ടൈറ്റുമാണ് റെനെസിന് വേണ്ടി പിഎസ്ജിക്കെതിരെ ഗോളടിച്ചത്.
ടാർഗറ്റിൽ ഒരു ഷോട്ട് പോലും എത്തിക്കാൻ പിഎസ്ജിക്ക് ആയില്ല എന്നത് തോൽവിയുടെ വ്യാപ്തം കൂട്ടുന്നു. പാരിസിലെ ഗലറ്റിക്കോസിനെ മുട്ടുകുത്തിക്കാൻ റെനെസിനായി. പോയന്റ് നിലയിൽ ഒൻപതാം സ്ഥാനത്ത് നിക്കുന്ന റെനെസാണ് കോടികൾ മുടക്കി പിഎസ്ജി ഒരുക്കിയ സൂപ്പർ താരനിരയെ തകർത്ത് തരിപ്പണമാക്കിയത്.
-Advertisement-