ഇന്ത്യൻ സൂപ്പർ ലീഗ് എട്ടാം സീസൺ 2022-ലെ ആദ്യ മത്സരത്തിൽ കേരളാ ബ്ലാസ്റ്റേഴ്സ് എഫ്സി ഗോവയെ നേരിട്ടു. മത്സരം ഇരു ടീമുകളും രണ്ടു ഗോളുകൾ വീതം നേടി സമനിലയിൽ കലാശിച്ചു. രണ്ടു ഗോളുകൾക്ക് ലീഡ് നേടിയതിനു ശേഷമാണു കേരളാ ബ്ലാസ്റ്റേഴ്സ് സമനില വഴങ്ങിയത്. കേരളാ ബ്ലാസ്റ്റേഴ്സിനായി ജീക്സൺ സിങ്ങും അഡ്രിയാൻ ലൂണയും ഗോളുകൾ നേടിയപ്പോൾ എഫ്സി ഗോവക്കായി ജോർജ് ഓർട്ടീസും എഡു ബേഡിയയും ഗോളുകൾ നേടി.
കളിയുടെ പത്താം മിനുട്ടിൽ ലൂണ എടുത്ത ഒരു കോർണറിൽ നിന്ന് വെടിക്കെട്ട് ഹെഡറിലൂടെ ജീക്സൺ ആദ്യ ഗോളടിച്ചു. വൈകാതെ തന്നെ ലൂണയുടെ മാസ്മരിക ഗോൾ പിറന്നു. തകർപ്പൻ ഷോട്ടിലൂടെ ലൂണ പന്ത് വലയിലെത്തിച്ചു. വൈകാതെ എഫ്സി ഗോവ ഗോൾ മടക്കി. എഡു ബേടിയയുടെ ഗോളിൽ ഗോവ സമനിലയും നേടി. അതിനിടക്ക് സഹൽ അബ്ദുൾ സമദ് ഒരു സുവർണാവസരം ലഭിച്ചെങ്കിലും നഷ്ടമായി. ജയിക്കാൻ ഉറപ്പിച്ച മത്സരം നഷ്ടമാക്കിയത് കേരള ബ്ലാസ്റ്റേഴ്സ് തിരിച്ചടിയാണ്.
ഫൈനൽ വിസിൽ മുഴങ്ങി മത്സരം അവസാനിക്കുമ്പോൾ ഇരു ടീമുകളും രണ്ടു ഗോളുകൾ വീതം നേടി ഓരോ പോയിന്റുകൾ സ്വന്തമാക്കി.
ഈ സമനിലയോടെ ഒന്‍പത് മത്സരങ്ങളില്‍ നിന്ന് 14 പോയന്റുകൾ നേടി ബ്ലാസ്റ്റേഴ്സ് മൂന്നാം സ്ഥാനത്ത് തുടരുന്നു. ഒൻപതു മത്സരങ്ങളില്‍ നിന്ന് ഒന്‍പത് പോയന്റുകൾ നേടിയ ജോയ് ഒൻപതാം സ്ഥാനത്തു തുടരുന്നു. ഇതോടെ തുടര്‍ച്ചയായ എട്ട് മത്സരങ്ങളിലാണ് പരാജയമറിയാതെ ബ്ലാസ്റ്റേഴ്സ് മുന്നേറുന്നത്.