ഇന്ത്യൻ സൂപ്പർ ലീഗിൽ കേരള ബ്ലാസ്റ്റേഴ്സിന് തിരിച്ചടി. ജയിച്ചു എന്നുറപ്പിച്ച കളിയിലാണ് കേരള ബ്ലാസ്റ്റേഴ്സ് സമനില വഴങ്ങിയത്. ആവേശോജ്ജ്വലമായ കളിയിൽ രണ്ട് ഗോളുകൾ വീതം ഇരു ടീമുകളും അടിച്ചു. സിഡോയും ഹൂപ്പറും ബ്ലാസ്റ്റേഴ്സിന് വേണ്ടി ഗോളടിച്ചപ്പോൾ അപ്പിയയും സില്ലയും നോർത്ത് ഈസ്റ്റ് യുണൈറ്റഡിനായി ഗോളടിച്ചു.
ആദ്യ പകുതിയിൽ കണ്ടത് ഇന്ത്യൻ സൂപ്പർ ലീഗിൽ ബ്ലാസ്റ്റേഴ്സ് വെടിക്കെട്ടായിരുന്നു. വെടിക്കെട്ടിന് തിരി കൊളുത്തി സിഡോയും ഹൂപ്പറും ഗോളടിച്ചു. ആദ്യ പകുതിയിൽ രണ്ട് ഗോളിന്റെ ലീഡാണ് ബ്ലാസ്റ്റേഴ്സ് ഉള്ളത്. ആദ്യം ഒരു ഹെഡ്ഡറിലൂടെയാണ് സെർജിയോ സിഡോഞ്ച് ഗോളടിച്ചത്. പിന്നീട് ഹൂപ്പറിന് ഒരു അവസരം ലഭിച്ചെങ്കിലും ലക്ഷ്യത്തിൽ എത്തിക്കാൻ പറ്റിയില്ല. പിന്നീട് കളി അവസാനിക്കാൻ മുന്നേ ലഭിച്ച പെനാൽറ്റി ലക്ഷ്യത്തിലെത്തിച്ച് ഹൂപ്പർ രണ്ടാം ഗോൾ നേടി.
രണ്ടാം പകുതിയിൽ 51ആം മിനുട്ടിൽ ഒരു കോർണറിലൂടെ നോർത്ത് ഈസ്റ്റ് യുണൈറ്റഡ് ഗോളടിച്ചു. അപ്പിയക്ക് ഇതിൽ പിഴച്ചില്ല. പിന്നീട് വൈകാതെ ലഭിച്ച പെനാൽറ്റി അപ്പിയ പുറത്തേക്ക് അടിച്ച് പാഴാക്കി. അത് ഗോളായിരുന്നേൽ ഇന്ന് ബ്ലാസ്റ്റേഴ്സ് പരാജയപ്പെട്ടേനെ. രണ്ട് കളികളിൽ നിന്ന് ഒരു പോയന്റാണ് ബ്ലാസ്റ്റേഴ്സിന്റെ സമ്പാദ്യം.