കേരള ബ്ലാസ്റ്റേഴ്സിന് വേണ്ടി ശമ്പളം കുറച്ചിട്ടുണ്ടെന്ന് ജിങ്കൻ

കേരള ബ്ലാസ്റ്റേഴ്സിന് വേണ്ടി ശമ്പളം കുറച്ചിട്ടുണ്ടെന്ന് മുൻ നായകൻ സന്ദേശ് ജിങ്കൻ. കേരള ബ്ലാസ്റ്റേഴ്സിനോടുള്ള സ്നേഹം കാരണം വേതനം കുറച്ചും താൻ കളിക്കാൻ തയ്യാറായിരുന്നു. തനിക്ക് എതിരെ കേരള ബ്ലാസ്റ്റേഴ്സ് ആരാധകർ ഉന്നയിക്കുന്ന ആരോപണങ്ങൾ ശുദ്ധ അസംബന്ദങ്ങൾ ആണെന്നും അദ്ദേഹം കൂട്ടിച്ചേർത്തു.

കേരള ബ്ലാസ്റ്റേഴ്സ് വേതനം കുറക്കാൻ പറഞ്ഞതാണ് കേരള ബ്ലാസ്റ്റേഴ്സ് വിട്ട് ജിങ്കൻ പോകാൻ കാരണം എന്ന് വാർത്തകൾ ഉണ്ടായിരുന്നു. പണം നോക്കിയല്ല താൻ ബഗാനിലേക്ക് പോയതെന്നും ജിങ്കൻ പറഞ്ഞു. തന്നെ വിമർശിക്കുന്നതും താൻ പരാജയപ്പെടണം എന്ന് ആഗ്രഹിക്കുന്നവരും ഉള്ളത് കൊണ്ട് താൻ പരിശ്രമിക്കുന്നത് കൂടുന്നുണ്ട് എന്നും താൻ ഇതിൽ ഒന്നും തളരില്ല എന്നും ജിങ്കൻ കൂട്ടിച്ചേർത്തു.