ഡ്യൂറണ്ട് കപ്പ് കണ്ടത്തിൽ, കേരള ബ്ലാസ്റ്റേഴ്സ് തോറ്റ് പുറത്ത്

കേരള ബ്ലാസ്റ്റേഴ്സ് ഡ്യൂറണ്ട് കപ്പിൽ നിന്നും തോറ്റ് പുറത്ത്. ഒറ്റ ഗോളിന്റെ തോൽവി ആണ് കേരള ബ്ലാസ്റ്റേഴ്സ് ഏറ്റുവാങ്ങിയത്. ഡ്യൂറണ്ട് കപ്പ് കണ്ടത്തിൽ കളിയായി മാറി ഇന്ന്. ഗ്രൗണ്ടിന്റെ ശോചനീയാവസ്ഥ ആണ് കേരള ബ്ലാസ്റ്റേഴ്സ് തോൽവിക്ക് ഒരു കാരണം. സമനില ഉണ്ടെങ്കിൽ തന്നെ കേരള ബ്ലാസ്റ്റേഴ്സിന് അടുത്ത റൗണ്ടിൽ കേറാമായിരുന്നു.

എന്നാൽ മോശം ഗ്രൗണ്ടും ഡെൽഹിയുടെ പ്രതിരോധവും കേരള ബ്ലാസ്റ്റേഴ്സിന് തിരിച്ചടിയായി. കളിയുടെ രണ്ടാം പകുതിയിൽ വിദേശ താരം വില്ലിസ് പ്ലാസ ആണ് കേരള ബ്ലാസ്റ്റേഴ്സിനെതിരെ ഡൽഹിക്ക് ജയം നൽകിയത്‌. കണ്ടത്തിലെ ചെളിയിൽ വീണ കേരള ബ്ലാസ്റ്റേഴ്സ് ഡിഫൻസിന് ഒന്നും ചെയ്യാൻ സാധിച്ചില്ല. ഡൽഹിയും ബെംഗളൂരുവും ക്വാർട്ടറിൽ കടന്നു.