ഇത് ഇതിഹാസം രചിക്കും കേരള ബ്ലാസ്റ്റേഴ്സ്. ജെംഷദ്പൂർ എഫ്സിയെ തകർത്തെറിഞ്ഞ് കേരള ബ്ലാസ്റ്റേഴ്സ്. അതും പത്ത്പേരുമായി പൊരുതി നേടിയ ജയം. രണ്ടിനെതിരെ മൂന്ന് ഗോളുകൾക്കായിരുന്നു കേരള ബ്ലാസ്റ്റേഴ്സിന്റെ ജയം. ആദ്യം ഗോളടിച്ചത് കേരള ബ്ലാസ്റ്റേഴ്സ് ആണ്. കോസ്റ്റയിലൂടെ ആണ് ബ്ലാസ്റ്റേഴ്സ് ആദ്യ ഗോൾ നേടിയത്. ഫകുണ്ടോ പെരേര എടുത്ത ഫ്രീകിക്ക് ഹെഡെയ്ത് ഗോളാക്കി മാറ്റി ഡിഫൻസീവ് ജനറൽ കോസ്റ്റ. പിന്നീട് ബ്ലാസ്റ്റേഴ്സ് കളിമറന്നപ്പോൾ ജെംഷദ്പൂർ തിരിച്ചടിച്ചു. ഗോളടിച്ചത് വാൽസ്കിസാണ്.
രണ്ടാം പകുതിയിൽ എളുപ്പമായിരുന്നില്ല കേരള ബ്ലാസ്റ്റേഴ്സിന് കാര്യങ്ങൾ. ചുവപ്പ് കാർഡ് ആദ്യം തന്നെ മഞ്ഞപ്പടക്ക് വിനയായി. ലാൽറുവത്താര 67ആം മിനുട്ടിൽ കളം വിട്ടു. എന്നാൽ ഏറെ വൈകാതെ ജോർദാൻ മറേ ബ്ലാസ്റ്റേഴ്സിനായി ഗോളടിച്ചു. ഒരു റീബൗണ്ടിൽ നിന്നായിരുന്നു കേരള ബ്ലാസ്റ്റേഴ്സ് ഗോൾ പിറന്നത്. ഏറെ വൈകാതെ തന്നെ മലയാളി താരം റഹ്നേഷിന്റെ പിഴവ് മുതലെടുത്ത് മറേ വീണ്ടും ഗോളടിച്ചു. കേരള ബ്ലാസ്റ്റേഴ്സ് ആരാധ്കാർ കാത്തിരുന്ന ജയം വൈകാതെ എത്തി.
എന്നാൽ വൈകാതെ വാൽസ്കിസ് ഗോൾ മടക്കി. 3-2 എന്ന സ്കോർ ലൈനിൽ ബ്ലാസ്റ്റേഴ്സ് സമ്മർദ്ദത്തിലായ്ർങ്കിലും പിന്നീട് കളിയിലേക്ക് തിരിച്ച്ൿ വന്നു. ഐഎസ്എൽ ചരിത്രത്തിൽ ആദ്യമായിട്ടാണ് ജെംഷദ്പൂർ എഫ്സിയെ കേരള ബ്ലാസ്റ്റേഴ്സ് പരാജയപ്പെടുത്തുന്നത്.