ഡച്ച് വന്മതിലിനെ സ്വന്തമാക്കി കേരള ബ്ലാസ്റ്റേഴ്സ്

മഞ്ഞപ്പടയുടെ കാത്തിരിപ്പ് അവസാനിച്ചു. ബുധനാഴ്ചത്തെ സർപ്രൈസ് സൈനിംഗ് ആരാണെന്നറിഞ്ഞു. ഡെൽഹി ഡൈനാമോസിന്റെ ഡച്ച് പ്രതിരോധ താരം ജിയാനി സുയ്വെർലൂനാണ് കൊച്ചിയിലേക്കെത്തിയത്. കഴിഞ്ഞ സീസണിൽ കേരള ബ്ലാസ്റ്റേഴ്സിനെതിരെ ഡെൽഹിക്ക് വേണ്ടി ഗോളടിച്ചിരുന്നു ഈ പ്രതിരോധതാരം. കഴിഞ്ഞ സീസണിലാണ് ഡെൽഹിയിലേക്ക് താരമെത്തിയത്

ഡച്ച് ടീം ഫെയ്നൂർദ്, പ്രീമിയർ ലീഗ് ടീമായ വെസ്റ്റ് ബ്രോം, സ്പാനിഷ് ടീമായ മയ്യോർക്ക, എന്നീ ടീമുകൾക്കും ജിയാനി സുയിവെർലൂൺ കളിച്ചിട്ടുണ്ട്. ഡെൽഹി ഡൈനാമോസിന്റെ വമ്പൻ ഓഫർ തിരസ്കരിച്ചാണ് ഡച്ചുകാരനായ എൽകോ ഷറ്റോരിക്ക് കീഴിൽ കളിക്കാൻ ജിയാനി സുയിവെർലൂൺ കൊച്ചിയിൽ എത്തുന്നത്.