കേരള ബ്ലാസ്റ്റേഴ്സ് ആരാധകരെ ഞെട്ടിക്കാനൊരുങ്ങുന്നു. ബഗാനിലെ വിദേശതാരങ്ങൾ കൊച്ചിയിലേക്ക് വരുന്നു എന്ന് റിപ്പോർട്ടുകൾ. മിനിമം രണ്ട് ബഗാൻ താരങ്ങൾ എങ്കിലും കൊച്ചിയിലെത്തും. മഞ്ഞപ്പടയുടെ പരിശീലകനായി മോഹൻ ബഗാന്റെ മുൻ പരിശീലകനായിരുന്ന കിബു വികൂന എത്തിയപ്പോൾ തന്നെ മോഹൻ ബഗാൻ താരങ്ങൾ കേരള ബ്ലാസ്റ്റേഴ്സിലേക്ക് എത്തും എന്ന് റിപ്പോർട്ടുകൾ വന്നിരുന്നു. ഇപ്പോൾ ബഗാനിലെ രണ്ട് വിദേശ താരങ്ങളെ ടീമിൽ എത്തിക്കാൻ ആണ് കേരള ബ്ലാസ്റ്റേഴ്സ് സമ്മതിച്ചിരിക്കുന്നത്.
ഏതൊക്കെയാണ് ആ രണ്ട് താരങ്ങൾ എന്നത് വ്യക്തമല്ല. കേരള ബ്ലാസ്റ്റേഴ്സ് മൂന്ന് മോഹൻ ബഗാൻ താരങ്ങളെ സൈൻ ചെയ്യണം എന്ന് നേരത്തെ കിബു വികൂന ആവശ്യപ്പെട്ടിരുന്നു. ബഗാന്റെ താരങ്ങളായ ബാബ ദിവാര, ജൊസേബ ബെറ്റിയ, ഫ്രാൻ ഗോൺസാലസ് എന്നിവരെ ടീമിൽ എത്തിക്കാൻ ആയിരുന്നു വികൂന ആവശ്യപ്പെട്ടത്. ഐ ലിഗ് ചാമ്പ്യന്മാരായ മോഹൻ ബഗാന്റെ താരങ്ങളായ ബാബ ദിവാര, ജൊസേബ ബെറ്റിയ, ഫ്രാൻ ഗോൺസാലസ് എന്നിവരെ എത്തിക്കാനാണ് വികുന ശ്രമിക്കുന്നത്. ഐ ലീഗിൽ ഈ സീസണിൽ 10 ഗോളുകൾ അടിച്ച താരമാണ് ബാബ. 9 അസിസ്റ്റും മൂന്ന് ഗോളും സംഭാവന ചെയ്തത് മറ്റൊരു താരം ജൊസേബ ബെറ്റിയയാണ്. ഫ്രാൻസ് ഗോൺസാലസ് 10 ഗോളും ഒപ്പം ഒരു അസിസ്റ്റും നൽകിയിട്ടുണ്ട് ഈ സീസണിൽ. ഇതിൽ ബെറ്റിയയും ഫ്രാൻ ഗോൺസാലസും വരനാണ് സാധ്യത.