വീണ്ടുമൊരു ബുധനാഴ്ച കൂടെ വന്നു. കേരള ബ്ലാസ്റ്റേഴ്സിന്റെ ആരാധകർ കാത്തിരുന്ന ട്രാൻസ്ഫർ അനൗൺസ്മെന്റ് വന്നു. പരിചിതമായ പേരുകൾക്ക് പകരം സെനഗലിൽ നിന്നും വെടിക്കെട്ട് താരത്തെയാണ് ഇത്തവണ ബ്ലാസ്റ്റേഴ്സ് ടീമിലെത്തിച്ചത്. സെനഗലീസ് മിഡ്ഫീൽഡറായ മൊഹമ്മദു മുസ്തഫ ഗിനിങിനെയാണ് ബ്ലാസ്റ്റേഴ്സ് ടീമിലെത്തിച്ചത്. സ്പെയിനിൽ നിന്നുമാണ് സൂപ്പർ താരത്തെ മഞ്ഞപ്പട ടീമിലെത്തിച്ചത്.
സ്പാനിഷ് രണ്ടാം ഡിവിഷൻ ക്ലബ്ബായ എസ് ഡി എജെയക്കു വേണ്ടിയാണ് മുസ്തഫ ബൂട്ടണിഞ്ഞത്. സ്പാനിഷ് ലീഗിൽ മികച്ച പ്രകടനമാണ് താരം കാഴ്ച്ചവെച്ചത്. കേരള ബ്ലാസ്റ്റേഴ്സ് ടീമിലെത്തിക്കുന്ന അഞ്ചാം വിദേശ താരമാണ് മുസ്തഫ. ആർക്കസ്, സിഡോഞ്ച, സുയിവർലൂൺ, ഒഗ്ബെചെ എന്നിവർക്ക് പിന്നാലെയാണ് ബ്ലാസ്റ്റേഴ്സ് കൊചിയിലേക്ക് മുസ്തഫയെ എത്തിച്ചത്.
-Advertisement-