കേരള ബ്ലാസ്റ്റേഴ്സിന്റെ അപ്രതീക്ഷിത നീക്കം, സ്പാനിഷ് താരത്തെ സ്വന്തമാക്കും

പുതിയ പരിശീലകൻ എത്തിയതിന് പിന്നാലെ ടീം പുതുക്കി പണിയാൻ ഒരുങ്ങുകയാണ് കേരള ബ്ലാസ്റ്റേഴ്സ്. ഐ ലീഗ് ചാമ്പ്യന്മാരായ ചെന്നെ സിറ്റിയുടെ സൂപ്പർ താരം പെട്രോ മാൻസിയെ സ്വന്തമാക്കാൻ ശ്രമിക്കുകയാണ് കേരള ബ്ലാസ്റ്റേഴ്സ്. ഐ ലീഗിലെ ടോപ്പ് സ്കോറർ ആണ് മാൻസി. മാൻസിയെന്ന ഗോളടിയെന്ത്രത്തിന്റെ സഹായം കാരണമാണ് ചെന്നൈ സിറ്റി കപ്പടിച്ചത്.

ഈ സീസണിനവസാനം ദീർഘകാല കരാറിൽ മാൻസി ചെന്നെയ്യോട് ഒപ്പിട്ടിരുന്നു. വമ്പൻ തുക നൽകി താരത്തെ ടീമിലെത്തിക്കാനാണ് മഞ്ഞപ്പടയുടെ ശ്രമം. ഷറ്റോരിയുടെ വരവോട് കൂടി ആരാധകർ കാത്തിരിക്കുന്ന കിരീട പ്രതീക്ഷ ഉയരുകയാണ്. വിദേശ താരങ്ങളായ സ്റ്റൊഹാനോവിചും പോപ്ലാനികും ഉണ്ടെങ്കിലും ഇരുവരുടേയ്യും പ്രകടനത്തിൽ തൃപ്തനല്ലാത്ത ഷറ്റോരി മാൻസിയെ ടീമിലെത്തിക്കാനാണ് ശ്രമം തുടങ്ങിയത്.