ഇക്കൊല്ലം അവസാനിക്കും മുൻപ് ഒരു ജയം മാത്രം ലക്ഷ്യം വെച്ചാണ് കേരള ബ്ലസ്റ്റേഴ്സ് ഇന്ന് കലൂരിൽ ഇറങ്ങുന്നത്. ആദ്യ കളി ജയിച്ചതിൽ പിന്നെ കൊച്ചിയിലെ ആരാധകർക്ക് ആശ്വസിക്കാൻ വകയുണ്ടായിരുന്നില്ല. ഇക്കൊല്ലത്തെ ബ്ലാസ്റ്റേഴ്സിന്റെ അവസാന ഹോം മാച്ചിൽ ജയിച്ച് അവാസാനിപ്പിക്കാനാവും മഞ്ഞപ്പടയുടെ ശ്രമം. ഗോളടിക്കാൻ ആവാത്തതും കേരള ബ്ലാസ്റ്റേഴ്സിന്റെ പ്രശ്നമാണ്. 9 മത്സരങ്ങളിൽ നിന്ന് ആകെ 9 ഗോളുകൾ മാത്രമാണ് കേരള ബ്ലാസ്റ്റേഴ്സ് ഇതുവരെ സ്കോർ ചെയ്തത്.
നോർത്ത് ഈസ്റ്റ് യുണൈറ്റഡും അത്ര മികച്ച ഫോമിൽ അല്ല. തുടരെ തുടരെ അവർ തോറ്റു. അവസാന നാലു മത്സരങ്ങളിൽ നോർത്ത് ഈസ്റ്റ് യുണൈറ്റഡിനും വിജയിക്കാൻ ആയിട്ടില്ല. രാത്രി 7.30ന് കിക്കോഫ് നടക്കും. ഇന്നത്തെ കളി ലൈവായി ഏഷ്യാനെറ്റ് പ്ലസ്, സ്റ്റാർ നെറ്റ്വെർക്, ഹോട് സ്റ്റാർ എന്നിവയിലൊക്കെ ലഭ്യമാണ്.
-Advertisement-