ഇന്ത്യൻ സൂപ്പർ ലീഗിൽ 16ആം മത്സരത്തിന് ഇറങ്ങുകയാണ് കേരള ബ്ലാസ്റ്റേഴ്സ്. ഇന്ന് ബ്ലാസ്റ്റേഴ്സ് കളത്തിൽ ഇറങ്ങുന്നത് ആരാധകർക്ക് വേണ്ടി മാത്രമാണെന്ന് ബ്ലാസ്റ്റേഴ്സ് ക്യാപ്റ്റൻ ഒഗ്ബചെ പറഞ്ഞു. ഇന്ന് ജയം മാത്രമാണ് ബ്ലാസ്റ്റേഴ്സിന്റെ ലക്ഷ്യം.
ഇനി കേരള ബ്ലാസ്റ്റേഴ്സ് കളിക്കുന്നത് ആരാധകർക്ക് വേണ്ടിയാണ് എന്ന് ബ്ലാസ്റ്റേഴ്സിന്റെ ക്യാപ്റ്റൻ ഒഗ്ബെചെ. സീസണിലെ പ്ലേ ഓഫ് പ്രതീക്ഷകൾ അവസാനിച്ച കേരള ബ്ലാസ്റ്റേഴ്സ് ഇനി ആരാധകരെ സന്തോഷിപ്പിക്കാാൻ വേണ്ടിയാകും കളിക്കുന്നത് എന്നാണ് ക്യാപ്റ്റൻ പറഞ്ഞത്. കഴിഞ്ഞ മത്സരത്തിൽ ചെന്നൈയിനെതിരെ ഹാട്രിക്കുമായി ഒറ്റയ്ക്ക് പൊരുതി നോക്കി എങ്കിലും ഒഗ്ബെചെയ്ക്ക് കേരള ബ്ലാസ്റ്റേഴ്സിനെ ജയത്തിലേക്ക് നയിക്കാൻ ആയിരുന്നില്ല. 38 ആം മിനുട്ട് വരെ കളി ബ്ലാസ്റ്റേഴ്സിനൊപ്പമായിരുന്നു.
നോർത്ത് ഈസ്റ്റിനെതിരെ വിജയിക്കാൻ ആകുമെന്ന് തന്നെയാണ് പ്രതീക്ഷ എന്ന് ഒഗ്ബെചെ കൂട്ടിച്ചേർത്തു. നോർത്ത് ഈസ്റ്റിനെതിരെയുള്ള മത്സരം കേരള ബ്ലാസ്റ്റേഴ്സ് ആരാധകർക്ക് വേണ്ടി വിജയിക്കണം. ഞങ്ങളിൽ പ്രതീക്ഷ അർപ്പിച്ച ആരാധകർക്ക് വേണ്ടി ജയിക്കുമെന്നും ബ്ലാസ്റ്റേഴ്സ് ക്യാപ്റ്റൻ പറഞ്ഞു.