“കേരള ബ്ലാസ്റ്റേഴ്സിന്റേത് തകർപ്പൻ പ്രകടനം‍”

ഐഎസ്എല്ലിൽ ജംഷദ്പൂരിനെതിരെ പൊരുതി തോറ്റെങ്കിലും മികച്ച പ്രകടനം നടത്താൻ കേരള ബ്ലാസ്റ്റേഴ്സിനായിയെന്ന് ബ്ലാസ്റ്റേഴ്സ് പരിശീലകൻ എൽകോ ഷറ്റോരി. ഇന്നലെ ബ്ലാസ്റ്റേഴ്സ് 10 പേരുമായാണ് കളിച്ചത് എന്ന് ഓർക്കണമെന്നും കോച്ച് പറഞ്ഞു. 10 പേരുമായി കളിക്കുമ്പോൾ ഗോളടിച്ച് 2-1ന് മുന്നിൽ എത്താൻ മഞ്ഞപ്പടക്കായത് മറക്കരുതെന്നും ഷറ്റോരി കൂട്ടിച്ചേർത്തു.

നിർഭാഗ്യം കൊണ്ട് മാത്രമാണ് ജെംഷദ്പൂരിന്റെ വിജയ ഗോൾ പിറന്നത്. എന്നാൽ തനിക്ക് ബെഞ്ചിൽ കളി മാറ്റാൻ ഉള്ള താരങ്ങൾ ഇല്ലായിരുന്നു, അതുകൊണ്ടാണ് പരാജയപ്പെട്ടത് എന്നും കോച്ച് പറഞ്ഞു. ഇത്തരം ഫലങ്ങൾ നിരാശയാണ് നൽകുന്നത് എന്നും ഷറ്റോരി കൂട്ടിച്ചേർത്തു.