ബ്ലാസ്റ്റേഴ്സിന്റെ മലയാളി യുവ താരം സഹല്‍ അബ്ദുൾ സമദ് തരംഗമാവുന്നു. മഞ്ഞപ്പടയുടെ ആരാധകരുടെ സ്വന്തം മെസ്യൂട് ഓസിൽ എന്നറിയപ്പെടുന്ന സഹലിന് കേരളത്തിന് പുറത്തും നിറയെ ആരാധകരുണ്ട്.
പ്രീമിയർ ലീഗ് ക്ലബ്ബായ മാഞ്ചസ്റ്റര്‍ സിറ്റിയുടെ ജേഴ്സി ഇട്ട സഹല്‍ ഒരു ഫോട്ടോ ഇന്‍സ്റ്റഗ്രാമില്‍ പോസ്റ്റ് ചെയ്തിരുന്നു. വൈകതെ തന്നെ ലോകമെമ്പാടുമുള്ള ആരാധകരും ഇത് ഏറ്റെടുത്തു. എറെ വൈകാതെ ഇൻസ്റ്റയിൽ കമന്റുമായി മാഞ്ചസ്റ്റര്‍ സിറ്റിയും അർജന്റീനിയൻ സൂപ്പര്‍ താരം സെർജിയോ അഗ്യൂറോയും എത്തി. മാൻ സിറ്റിയും അഗ്യൂറോയും കമന്റ് ചെയ്തത് ഇന്ത്യൻ ഫുട്ബോൾ ആരാധകരെ ഞെട്ടിച്ചിട്ടുണ്ട്.
ആരാധകർ ഈ കമന്റുകളും ഏറ്റെടുത്തു കഴിഞ്ഞു. മൂന്ന് ലക്ഷത്തോളം ലൈക്ക് സഹലിന്റെ ഈ ഇന്‍സ്റ്റഗ്രാം ഫോട്ടോക്ക് കിട്ടി. അതിൻ പുറമേ അഗ്യൂറോയുടേയും മാഞ്ചസ്റ്റര്‍ സിറ്റിയുടേയും കമന്റിന് ഇരുപത്തായ്യായിരത്തോളം ലൈക്കുകളും കിട്ടി. പ്യൂമയുടെ ബ്രാൻഡ് അമ്പാസിഡർ ആണ് സഹൽ. 2025വരെ സഹൽ കൊച്ചിയിൽ തുടരും. ആഴ്ച്ചകൾക്ക് മുൻപാണ് കരാർ സഹൽ ഒപ്പിട്ടത്.