കേരളാ ബ്ലാസ്റ്റേഴ്സ് ഫുട്ബോൾ ലോകത്ത് ടീമിനായി നൽകുന്ന കട്ട സപ്പോർട്ട് കാരണം പ്രസിദ്ധരാണ്. ലോകത്തിന്റെ ഏത് കോണിൽ ബ്ലാസ്റ്റേഴ്സിന്റെ കളി നടക്കുകയാണെങ്കിലും, അവിടെ പിന്തുണക്കാൻ ആരാധക കൂട്ടായ്മയായ മഞ്ഞപ്പട ഉണ്ടാവാറുണ്ട്. ഇന്ത്യൻ സൂപ്പർ ലീഗ് ടീമുകളിൽ ഏറ്റവുമധികം ആരാധകർ ഉള്ള ടീമും ബ്ലാസ്റ്റേഴ്സ് തന്നെ.
സോഷ്യൽ മീഡിയയിലും ബ്ലാസ്റ്റേഴ്സിന് കട്ടക്ക് സപ്പോർട്ട് നൽകി ആരാധകരുണ്ട്. ഇപ്പോൾ കേരള ബ്ലാസ്റ്റേഴ്സ് ഒഫീഷ്യൽ അക്കൗണ്ട് തന്നെ ഷെയർ ചെയ്ത ഒരു കോണ്ടസ്റ്റാണ് നടക്കുന്നത്. ഇനി ഏതാനം മണിക്കൂറുകൾ മാത്രമാണ് വോട്ടെടുപ്പിന് ബാക്കിയുള്ളത്. ഫ്രഞ്ച് ലീഗ് ക്ലബായ ഒളിമ്പിക്ക് മാഴ്സയും കേരളാ ബ്ലാസ്റ്റേഴ്സും തമ്മിലാണ് ട്വിറ്റർ പോൾ. സോഷ്യൽ മീഡിയ റിസർച്ച് കമ്പനിയായ സാൻ ബാസ് മീഡിയ നടത്തുന്ന പോളിന്റെ രണ്ടാം റൗണ്ടിൽ ഒളിമ്പിക്ക് മാഴ്സയുമായിട്ടാണ് മലയാളികളുടെ സ്വന്തം ബ്ലാസ്റ്റേഴ്സ് മത്സരിക്കുന്നത്. ജയിക്കാനായി ഇനിയും ഒട്ടേറെ വോട്ട് വേണം. നാല് ശതമാനത്തിന്റെ ലീഡ് ഉണ്ടങ്കിലും വിജയമുറപ്പിക്കാനായിട്ടില്ല.