കേരള ബ്ലാസ്റ്റേഴ്സിന് പ്ലേ ഓഫിൽ എത്താൻ ആകുമെന്ന് കേരള ബ്ലാസ്റ്റേഴ്സിന്റെ ഡച്ച് പരിശീലകൻ എൽകോ ഷറ്റോരി. ഇന്ത്യൻ സൂപ്പർ ലീഗ് ഇപ്പോഴും അവസാനിച്ചിട്ടില്ല. സീസണിലെ പകുതി മത്സരങ്ങൾ കഴിഞ്ഞിട്ടും ലീഗിൽ ഒമ്പതാം സ്ഥാനത്താണ് ബ്ലാസ്റ്റേഴ്സ് ഇപ്പോളുള്ളത്. 9 മത്സരങ്ങളിൽ നിന്ന് ഏഴു പോയന്റാണ് കേരള ബ്ലാസ്റ്റേഴ്സിനുള്ളത്. എന്നാലും പ്രതീക്ഷ കേരള ബ്ലാസ്റ്റേഴ്സ് കൈവിട്ടിട്ടില്ല എന്ന് ഷറ്റോരി പറഞ്ഞു.
കേരള ബ്ലാസ്റ്റേഴ്സിന് നിർണായക ദിവസങ്ങളാണ് മുന്നിൽ ഉള്ളത്. ഇനി ഉള്ള എ ടി കെ, ഗോവ, ബെംഗളൂരു എഫ് സി എന്നീ ടീമുകളെയൊക്കെ ഇനി കേരള ബ്ലാസ്റ്റേഴ്സ് എതിരിടാൻ ബാക്കിയുണ്ട്. ആ മത്സരങ്ങൾ ഒക്കെ വിജയിക്കാൻ ആയാൽ പ്ലേ ഓഫിൽ എത്താൻ കേരള ബ്ലാസ്റ്റേഴ്സിനാകും. ഷറ്റോരി പറഞ്ഞു. കേരള ബ്ലാസ്റ്റേഴ്സിന് ഭാഗ്യം കൂടെയുണ്ടായാൽ പ്ലേ ഓഫിൽ എത്താം എന്നും ഷറ്റോരി അറിയിച്ചു.
-Advertisement-