കേരള ബ്ലാസ്റ്റേഴ്സ് ക്യാപ്റ്റൻ ഒഗ്ബചെ കൊച്ചിയിൽ തുടരുമോ എന്ന് ഇന്നറിയാം. കൊച്ചിയിൽ തുടരാനാണ് ഉദ്ദേശമെങ്കിൽ അത് ഒഗ്ബെചെ ഇന്ന് കേരള ബ്ലാസ്റ്റേഴ്സിനെ അറിയിക്കും. ബ്ലാസ്റ്റേഴ്സ് വിട്ടാലും ഐഎസ്എല്ലിൽ തന്നെ ബർതലമോവ് ഒഗ്ബെചെ തുടരുമെന്നാണ് അറിയാൻ കഴിയുന്നത്. എന്ത് വിലകൊടുത്തും ഒഗ്ബെചെയെ കൊച്ചിയിൽ നിലനിർത്താൻ കേരള ബ്ലാസ്റ്റേഴ്സും ശ്രമിക്കുന്നുണ്ട്‌ .
മഞ്ഞപ്പടയുടെ ഏറ്റവും പ്രധാനപ്പെട്ട താരമായ ഒഗ്ബെചെ ക്ലബ് വിടുമെന്ന് നേരത്തെ വാർത്തകൾ വന്നിരുന്നു. കേരള ബ്ലാസ്റ്റേഴ്സ് മാനേജ്മെന്റ് വിദേശ താരങ്ങളുടെ ശമ്പളം വെട്ടി കുറക്കാൻ തീരുമാനിച്ചത് ഒഗ്ബെചെയും ക്ലബുമായുള്ള ബന്ധം വഷളാക്കിയിരുന്നു. കേരള ബ്ലാസ്റ്റേഴ്സിന്റെ എക്കാലത്തെയും മികച്ച ഗോൾ വേട്ടക്കാരനാണ് ഒഗ്ബചെ. ഒരൊറ്റ സീസണിലാണ് ബ്ലാസ്റ്റേഴ്സ് ക്യാപ്റ്റൻ ഒഗ്ബചെ ഏറ്റവുമധികം ഗോൾ അടിച്ച് കൂട്ടിയത്. സികെ വിനീത് അടക്കമുള്ള സ്റ്റ്രൈക്കർമാർ വർഷങ്ങളായി അടിച്ച് കൂട്ടിയ റെക്കോർഡാണ് ഒരൊറ്റ സീസണിൽ ഒഗ്ബചെ തകർത്തത്.